पावसाळ्यात नमकीन पदार्थ मऊ झालेत? मग त्यांना फेकू नका, ३ सोप्या ट्रिकने पुन्हा बनवा क्रंची आणि कुरकरीत पावसाळ्यात नमकीन पदार्थ मऊ

Monsoon Tips : पावसाळ्यातील ओलाव्यामुळे चिवडा, चिप्स आणि इतर क्रिस्पी स्नॅक्स लवकर मऊ पडतात. मऊ झालेल्या या स्नॅक्सना फेकू नका तर सोप्या ट्रिकने घरीच त्यांना पुन्हा करकुरीत बनवा. यासाठी फक्त ३-४ मिनिटे लागतात.

(फोटो सौजन्य: Pinterest)

Follow Us:

Follow Us:

• पावसाळ्यातील ओलाव्यामुळे कुरकुरीत स्नॅक्स पटकन मऊ पडतात.
• मऊ झालेली नमकीन किंवा चिवडा फेकून देण्याची गरज नाही.
• घरच्या घरी कोणत्या सोप्या ट्रिक्सने स्नॅक्स पुन्हा कुरकुरीत होतील, जाणून घ्या.

वजन कमी करणारी दशसूत्रे! आहारात करा या १० भारतीय पदार्थांचा समावेश, सटासट वितळेल पोटावरची चरबी

मायक्रोव्हेवचा वापर करा

• तुमच्या घरी मायक्रोव्हेव असल्यास त्यात तुम्ही मऊ पडलेले स्नॅक्स पदार्थ कुरकरीत बनवू शकता.
• यासाठी मऊ झालेल्या स्नॅकला मायक्रोव्हेव प्लेटमध्ये पसरवा.
• यानंतर मायक्रोव्हेवला हाय पाॅवरमध्ये ३० ते ४० सेकंद सुरु करा.
• लक्षात ठेवा, स्नॅक्सला मायक्रोव्हेवमधून बाहेर काढून लगेच त्याचे सेवन करु नका, यावेळी ती हलकी मऊ लागू
• शकते. परंतु २-३ मिनिटांनी खोलिच्या तापमानात स्नॅक्स हलके थंड होताच ते पुन्हा कुरकरीत होतील.
• यानंतर एका हवाबंद डब्यात तुम्ही या स्नॅकला पुन्हा साठवून ठेवू शकता.

• जर तुमच्या घरात मायक्रोव्हेव नसेल तर तुम्ही तुमच्या घरी कढईतच मऊ झालेल्या स्नॅक्सला पुन्हा कुरकुरीत बनवू शकता.
• यासाठी गॅसवर एक कढई ठेवा आणि हलकी गरम होताच यात मऊ झालेले सर्व स्नॅक्स टाका.
• स्लो फ्लेमवर स्नॅक्सला कढईत सतत २-३ मिनिटे ढवळत राहा आणि मग गॅस बंद करा.
• आता भाजलेले स्नॅक्स एका प्लेटमध्ये काढा आणि काही मिनिटांनी याचे सेवन करा.
• मऊ झालेले स्नॅक्स पुन्हा नव्यासारखे कुरकरीत झाल्याचे तुम्हाला जाणवेल.

गरम तव्याचा वापर

• घरी चपाती किंवा भाकरी बनवल्यानंतर काहीवेळ तवा गरम असतो.
• अशावेळी या गरम तव्याचा फायदा घेत तुम्ही यावर मऊ झालेले स्नॅक्स हलके भाजू शकता.
• चपात्या भाजून झाल्या की गॅस बंद करा आणि लगेच तव्यावर मऊ झालेले स्नॅक्स पसरवा आणि काही मिनिटे त्याला हलवत राहा.
• तव्यातील उष्णता हळूहळू प्लेटमधून नमकीनपर्यंत पोहोचेल आणि त्यातील सर्व ओलावा शोषून घेईल.
• काही मिनिटे भाजल्यानंतर स्नॅक्सला एका प्लेटमध्ये काढा आणि थंड करुन याच्या चवीचा आनंद लुटा.

Web Title: How to make soggy namkeen crispy again at home lifestyle news in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com