मुलांच्या स्मार्टनेसवर मुली फिदा? हुशारी, नेतृत्व आणि नाते यात भले मोठे संबंध

आजच्या मुलींना फक्त देखणेपण नव्हे, तर हुशारी, नेतृत्वगुण आणि समजूतदारपण असलेले मुलं अधिक आकर्षित करतात. स्मार्टनेस म्हणजे केवळ स्टाइल नाही, तर जबाबदारी आणि भावनिक स्थैर्याचाही समतोल आहे.

फोटो सौजन्य - Social Media

Follow Us:

Follow Us:

आजच्या तरुण पिढीत ‘स्मार्ट’ ही संज्ञा केवळ दिसण्यात मर्यादित राहिलेली नाही, तर ती आता हुशारी, संवादकौशल्य, निर्णयक्षमता आणि जबाबदारीच्या जाणिवेशी जोडली गेली आहे. अनेक मुली आता अशा मुलांकडे आकर्षित होतात जे केवळ चांगले दिसतात म्हणून नाही, तर जे बौद्धिकदृष्ट्या स्मार्ट आहेत, जे निर्णय घेताना आत्मविश्वास दाखवतात आणि नात्यांमध्ये स्पष्टपणा आणि स्थिरता राखतात.

का साजरा केला जातो National Girlfriend Day? ‘हे’ आहे यामागील रोमँटिक कनेक्शन

हुशारी हे आकर्षणाचं पहिलं पाऊल ठरतं. चांगलं बोलता येणं, योग्य जागी योग्य गोष्ट सांगणं, समोरच्याचं ऐकून घेणं आणि त्यावर विचारपूर्वक उत्तर देणं, हे सर्व गुण आजच्या तरुण मुलींना आवडतात. त्यातच जर मुलगा अभ्यासू आणि काहीतरी वेगळं करणारा असेल, तर तो अधिक लक्ष वेधतो.

नेतृत्वक्षमता ही दुसरी महत्वाची गोष्ट आहे. कॉलेजमध्ये, ऑफिसमध्ये किंवा एखाद्या गटात जर एखादा मुलगा जबाबदारीने पुढे येतो, लोकांना एकत्र ठेवतो आणि समस्यांवर उपाय शोधतो, तर तो ‘लीडर’ ठरतो. आणि हेच अनेक मुलींना आवडतं. अशा व्यक्तीकडे सुरक्षिततेची भावना असते, आणि तो भविष्यासाठी योग्य जोडीदार वाटतो.

नात्यांमध्ये समजूतदारपणा आणि भावनिक स्थैर्यही तितकंच महत्वाचं. एकटा ‘स्मार्ट’ असणं पुरेसं नाही, तर नातं टिकवण्यासाठी समोरच्याच्या भावना समजून घेणं, त्यांचं महत्त्व ओळखणं आणि त्यांच्यासोबत संवाद साधणं गरजेचं असतं. जे मुलं हे समजतात, ते सहजपणे मुलींच्या मनात स्थान मिळवतात.

कोणत्याही भाजीसोबत खा याची चव तुम्हाला नाराज करणार नाही; जाणून घ्या Cheese Garlic Naan ची सोपी, चविष्ट रेसिपी!

सारांश असा की, स्मार्टनेस म्हणजे केवळ ब्रँडेड कपडे घालणं किंवा इंग्रजीत बोलणं नाही, तर तो एक समजूतदारपणाचा, जबाबदारीचा आणि सकारात्मक दृष्टीकोनाचा संगम आहे. मुलींना आज असे मुलं हवे असतात जे त्यांच्या पाठीशी उभे राहतील, त्यांच्यावर विश्वास ठेवतील आणि नात्याला योग्य दिशा देतील.

Web Title: Intelligency in boys are found more attravtive by girls

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com