सालांसकट भाजलेले चणे खाणे खावे की नाही? किती फायदेशीर, जाणून घ्या

Is Roasted Gram Better With Or Without Skin: आपण बरेचदा भाजलेले चणे हे सालासकट खातो. चणे खाण्याचे अनेक फायदे आहेत. मुळात त्यात फायबर असते त्यामुळे वजन नियंत्रणात राहते. मात्र तुम्ही भाजलेले चणे साल सोलून खावे की सालासकट असा बऱ्याचदा प्रश्न पडतो. त्यासाठीच हा लेख तुम्ही वाचायला हवा.

चणे सालासह खावे की सालांशिवाय?

Follow Us:

Follow Us:

भाजलेले चणे हा भूक लागल्यानंतर संध्याकाळी खाण्याचा एक लोकप्रिय नाश्ता आहे, ज्याचा लोक त्यांच्या आहारात समावेश करतात. चणे हे आरोग्यदायी मानले जातात कारण त्यामध्ये प्रथिने, फायबर आणि अनेक आवश्यक पोषक घटक आढळतात. 

पण लोकांच्या मनात एक प्रश्न पडतो की, भाजलेले चणे सोलून खावे की साल न काढता? आहारतज्ज्ञ आयुषी यादव यांच्याकडून जाणून घेऊया कोणता पर्याय आरोग्यासाठी चांगला आहे. यामुळे शरीराला नक्की कोणता आणि कसा फायदा मिळतो? (फोटो सौजन्य – iStock) 

भाजलेल्या चण्याच्या सालांचे फायदे 

सालांसह चणे खाण्याचे फायदे

भाजलेल्या चण्याच्या सालीमध्ये भरपूर फायबर असते, जे आपल्या पचनासाठी खूप फायदेशीर असते. फायबरचे सेवन केल्याने बद्धकोष्ठता थांबते आणि पोट चांगले साफ होते. याशिवाय फायबरमुळे खाल्ल्यानंतर बराच वेळ पोट भरलेले जाणवते, त्यामुळे जास्त खाणे टाळता येते. जे वजन कमी करण्याचा प्रयत्न करत आहेत त्यांच्यासाठी हे विशेषतः फायदेशीर आहे. 

सालीमध्ये असलेले अँटी-ऑक्सिडंट्सही शरीरासाठी फायदेशीर असतात. हे अँटिऑक्सिडंट्स शरीरातील मुक्त रॅडिकल्सशी लढण्यास मदत करतात, ज्यामुळे पेशींना होणारे नुकसान टाळते आणि वृद्धत्वाची प्रक्रिया मंदावते.

हेदेखील वाचा – भाजलेले चणे खाल्ल्याने आरोग्याला होती बहुगुणी फायदे, वाचा सविस्तर

सालांशिवाय चणे खाण्याचे फायदे 

भाजलेल्या चण्याचे साल सोलून खाल्लयास होणारे फायदे

साल न घेता चणे खाण्याचा एक विशेष फायदा म्हणजे ते पचायला सोपे आहे. भाजलेले चणे सालासह खाल्ल्याने काही लोकांना पोट जड होणे किंवा गॅसचा त्रास होऊ शकतो. विशेषत: ज्यांची पचनसंस्था कमकुवत आहे, अशा लोकांसाठी सालाशिवाय चणे खाणे अधिक फायदेशीर ठरू शकते. 

या व्यतिरिक्त, सर्व आवश्यक पोषक तत्त्वे न सोललेल्या चण्यांमध्ये असतात, जसे की प्रथिने, जीवनसत्त्वे आणि खनिजे. फायबरचे प्रमाण थोडे कमी झाले तरी इतर पोषक घटक शरीराला आवश्यक ऊर्जा आणि पोषण पुरवतात.

हेदेखील वाचा – चणे खावेत पण भिजवलेले की उकडलेले? आरोग्यासाठी कोणते फायदेशीर, वाचा सविस्तर

आरोग्यासाठी काय योग्य?

कोणते चणे खाणे योग्य ठरते?

आरोग्याच्या दृष्टिकोनातून, भाजलेले चणे त्याच्या सालीसह खाणे अधिक फायदेशीर आहे, कारण त्यात अधिक फायबर आणि अँटीऑक्सिडेंट असतात. हे घटक पचनक्रिया सुधारतात आणि वजन नियंत्रित ठेवण्यास मदत करतात. तथापि, जर तुम्हाला पचनाशी संबंधित समस्या असतील किंवा पोटात जडपणा जाणवत असेल, तर साल नसलेले हरभरे खाणे तुमच्यासाठी एक उत्तम पर्याय असू शकते, जे शरीरासाठी फायदेशीर आहेत.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

Web Title: Is roasted gram better with or without skin health benefits

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com