लहान मुलांच्या टिफिनसाठी बनवा सर्वांच्या आवडीचा कुरकुरीत बेसनाचा पोळा; कामाच्या गडबडीत झटपट तयार होणारी रेसिपी

सकाळच्या कामाच्या गडबडीत अनेक गृहिणींची टिफिनसाठी फार दमछाक होते, म्हणूनच आज आम्ही तुमच्यासाठी एक झटपट तयार होणारी पण चवीला तितकीच अप्रतिम लागणारी अशी एक चविष्ट रेसिपी घेऊन आलो आहोत.

बेसनाचा पोळा हा एक लोकप्रिय महाराष्ट्रीयन पदार्थ आहे जो चण्याच्या डाळीचा पिठापासून तयार केला जातो. लहानपणी तुम्ही हा पदार्थ नक्कीच चाखला असेल. झटपट काही तयार करायचं असलं अथवा टीफीनची घाई असली की आई नेहमीच चविष्ट आणि खमंग असा बेसनाचा पोळा बनवून देत असे. तुम्हालाही सकाळच्या कामाच्या गडबडीत टिफिनसाठी नवीन काय बनवावं असा प्रश्न पडला असेल तर ही रेसिपी एकदा नक्की ट्राय करा.

नाश्ता होईल आणखीनच स्पेशल! सोप्या पद्धतीमध्ये झटपट बनवा पालक मक्याचे धिरडे, नोट करून घ्या रेसिपी

ही रेसिपी झटपट तयारच होत नाही तर याची चवही फार छान लागते जी सर्वांनाच खायला फार आवडते. यात काही भाज्या मिक्स करून तुम्ही या पोळ्याला एक हेल्दी रूप देऊ शकता. सकाळच्या नाश्त्यासाठीही हा एक उत्तम पर्याय आहे. गरमा गरम करून खाल्ल्यास तुम्हाला एक कुरकुरीत चव मिळेल जी तुमच्या मनाला सुखावून जाईल. चला अजिबात वेळ न दवडता लगेच नोट करूयात यासाठी लागणारे साहित्य आणि कृती.

साहित्य

• बेसन – १ कप
• कांदा – १ मध्यम (बारीक चिरलेला)
• हिरव्या मिरच्या – २ (बारीक चिरलेल्या)
• कोथिंबीर – २ टेबलस्पून (बारीक चिरलेली)
• हळद – ¼ टीस्पून
• जिरे – ½ टीस्पून
• मीठ – चवीनुसार
• पाणी – अंदाजे ¾ कप
• तेल – शेकण्यासाठी

संध्याकाळच्या नाश्त्यात काय बनवावं सुचत नाही? मग सोप्या पद्धतीमध्ये घरी बनवा झणझणीत पनीर ठेचा पराठा

कृती

• बेसनाचा पोळा तयार करण्यासाठी सर्वप्रथम एका मोठ्या बाउलमध्ये बेसन घ्या
• यानंतर त्यात हळद, मीठ आणि जिरे टाका
• त्यात चिरलेला कांदा, हिरवी मिरची आणि कोथिंबीर घाला.
• थोडे थोडे पाणी घालत घट्टसर पण ओतता येईल असे मिश्रण तयार करा.
• नॉनस्टिक तवा मध्यम आचेवर गरम करून थोडं तेल पसरवा.
• एक पोळीएवढं मिश्रण तव्यावर ओता आणि चमच्याने थापून गोलसर पोळा बनवा.
• झाकण ठेवून मध्यम आचेवर एक बाजू ३-४ मिनिटं शिजवा, मग उलटून दुसरी बाजू शिजवा.
• दोन्ही बाजू छान खरपूस शिजल्यानंतर गरमागरम पोळा एका प्लेटमध्ये काढा.
• तयार पोळा तुम्ही चपाती, भाकरी अथवा सॉससह खाण्यासाठी सर्व्ह करू शकता.