संकष्टी चतुर्थीच्या दिवशी गणपती बाप्पाला नैवेद्यात दाखवा तीळ गुळाचे मोदक, बाप्पा होईल खुश

संकष्टी चतुर्थीच्या दिवशी गणपती बाप्पाला मोदकांचा नैवेद्य दाखवला जातो. सर्वच घरांमध्ये वेगवेगळ्या प्रकारचे मोदक बनवले जातात. उकडीचे मोदक, रव्याचे मोदक, पुरणाचे मोदक, ड्रायफ्रूट मोदक इत्यादी अनेक प्रकारचे मोदक बनवले जातात. पण आज आम्ही तुम्हाला तीळ गुळाचे मोदक कसे बनवायचे याची रेसिपी सांगणार आहोत. संकष्टी चतुर्थीच्या दिवशी हे मोदक नक्की बनवून पहा.

गणपती बाप्पाच्या नैवेद्यासाठी बनवा तीळ गुळाचे मोदक

Follow Us:

Follow Us:

आज संकष्टी चतुर्थी असल्याने गणपती बाप्पाच्या मंदिरात दर्शनासाठी मोठी गर्दी असते. सगळेच लोक गणपतीची मनोभाव पूजा करतात. महिन्यातून एकदा येणाऱ्या संकष्टीला अनेक लोक उपवास करतात. घरामध्ये सुख शांती समाधान लाभावे, कुटुंबातील सर्व व्यक्ती निरोगी राहावेत हा या मागचा उद्देश आहे. संकष्टी चतुर्थीच्या दिवशी उपवास केल्यानंतर संध्याकाळी बाप्पाची पूजा करून नैवेद्य दाखवून उपवास सोडला जातो. संकष्टी चतुर्थीच्या दिवशी सर्वच घरांमध्ये मोदक बनवले जातात. काही लोक उकडीचे मोदक बनवतात तर काही रव्याचे मोदक बनतात. पण आज आम्ही तुम्हाला बाप्पाच्या नैवेद्यासाठी तीळ गुळाचे मोदक कसे बनवायचे याची सोपी रेसिपी सांगणार आहोत. या मोदकांची रेसिपी नक्की बनवून पहा.(फोटो सौजन्य-istock)

साहित्य:

• पांढरे तीळ
• गूळ
• तूप
• ड्राय फ्रुट
• वेलची पावडर

कृती:

• तीळ गुळाचे मोदक बनवण्यासाठी सर्वप्रथम कढई गरम करून त्यात स्वच्छ करून घेतलेले पांढरे तीळ भाजून घ्या.
• तीळ हलकेसे भाजून झाल्यानंतर काढून घ्या. त्याच कढईमध्ये तूप गरम करण्यासाठी ठेवा.
• तूप गरम झाल्यानंतर त्यात गूळ टाकून गूळ वितळल्यावर त्यात पांढरे तीळ टाका.
• मिक्स करून झाल्यानंतर त्यात बारीक केलेले ड्रायफ्रूट आणि वेलची पावडर टाकून मिक्स करून घ्या. नंतर गॅस बंद करा.
• मोदकाचा साचा घेऊन त्यात मिश्रण टाकून मोदक तयार करा. तयार आहेत गणपती बाप्पाच्या नैवेद्यासाठी तीळ गुळाचे मोदक.

Web Title: Sankashti chaturthi how to make tilgul modak

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com