चेहरा चमकवण्यासाठी घरच्या घरी तयार करा उडदाच्या डाळीचा फेसपॅक! अनेक समस्यांवर रामबाण उपाय

उडदाची डाळ आपल्या चेहऱ्यासाठी फार फायद्याची ठरत असते. यातील पोषक घटक चेहऱ्याच्या अनेक समस्या दूर करण्यास मदत करतात. आता तुम्ही घरीदेखील उडदाच्या डाळीचा फेसपॅक ट्राय करू शकता. हा फेसपॅक घरी अगदी सहज तयार होतो आणि याच्या नियमित वापराने तुमचा चेहरा चमकदार दिसू लागतो.

Follow Us:

Follow Us:

आपल्या सर्वांनाच आपली त्वचा स्वछ आणि चमकदार असावी असे वाटत असते. बदलत्या वातावरणानुसार, त्वचेची काळजी घेणे गरजेचे आहे. आपली त्वचा ही अनेक थरांनी बनलेली असते या थरांमध्ये नवे नव्या पेशी सतत बनत असतात आणि नष्ट होत असतात. त्वचेच्या अनेक समस्या दूर करण्यास उडदाची डाळ चमत्कारी ठरू शकते.

उडदाच्या डाळीमुळे त्वचेच्या अनेक समस्या दूर होण्यास मदत मिळते. आज आम्ही तुम्हाला याच उडदाच्या डाळीचा घरच्या घरी फेसपॅक कसा करावा आणि याचा कसा वापर करावा याविषयी सविस्तर माहिती देत आहोत. उडदाची डाळ नैसर्गिकरित्या तुमच्या चेहऱ्यावरील समस्या दूर करते आणि यामुळे तुमचे अधिक पैसेही वाया जात नाही. महागडे ब्युटी प्रोडक्टस खरेदी करण्याऐवजी तुम्ही हा घरगुती उपाय करून पाहू शकता. कधीकधी आपली त्वचा निस्तेज आणि निर्जीव दिसू लागते. अशा परिस्थितीत हे फेस मास्क त्वचेवर नैसर्गिक चमक आणण्यास आणि त्वचेचे आरोग्य सुधारण्यास मदत करतात.

टॅनिंग फेसपॅक

तुम्हाला टॅनिंगची समस्या असल्यास हा फेसपॅक तुमच्यासाठी फायदेशीर ठरेल. याच्या नियमित वापराने तुमच्या चेहऱ्यावरील टॅनिंगची समस्या अवघ्या काही दिवसांतच दूर होईल.

कसे वापरायचे

• यासाठी 1/4 वाटी उडद डाळ रात्रभर पाण्यात भिजत ठेवा
• नंतर सकाळी मिक्सरमध्ये याची पेस्ट तयार करा
• यानंतर या पेस्टमध्ये दही मिक्स करा
• तयार पेस्ट तुमच्या चेहऱ्यावर नीट लावा
• ही पेस्ट साधारण 10-15 मिनीटे चेहऱ्यावर लावून ठेवा
• शेवटा पाण्याने आपला चेहरा स्वच्छ करा

हेदेखील वाचा – चेहऱ्यावरील सुरकुत्या घालवण्यासाठी ‘अशा’ पद्धतीने बनवा फेसपॅक, चेहरा दिसेल तरुण

मुरुमांसाठी उपाय

या डाळीमध्ये मुरुमांसाठी नैसर्गिक अँटीसेप्टिक असते. यामुळे बॅक्टरीयानममुळे चेहऱ्यावर होणारे मुरूम दूर होतात. तसेच तुम्ही त्वचा तेलकट असेल तरीही तुम्ही याचा वापर करू शकता.

कसे वापरायचे

• यासाठी 1/2 वाटी उडदाची डाळ भिजत ठेवा
• त्यानंतर सकाळी मिक्सरमध्ये याची पेस्ट तयार करा
• मग यात दोन चमचे गुलाबजल आणि ग्लिसरीन टाका आणि नीट मिक्स करा
• शेवटा यात दोन चमचे बदाम तेल टाका आणि मिक्स करा
• आता ही तयार पेस्ट चेहऱ्यावर लावा
• यानंतर 15 मिनीटांनी आपला चेहरा पाण्याने धुवून टाका

चेहऱ्यावर उजळपणा येण्यास होईल मदत

तुमची त्वचा जर निस्तेज असेल तर अशा त्वचेसाठी उडदाची डाळ फायद्याची ठरते. ही डाळ नैसर्गिक ब्लीचप्रमाणे त्वचेवर काम करते आणि त्वचेचा रंग उजळवण्यासाठी याची मदत मिळते.

कसे वापरायचे

• यासाठी 1/4 वाटी उडदाची डाळ आणि 8-9 बदाम एकत्र पाण्यात भिजत ठेवा
• यानंतर सकाळी याची पेस्ट तयार करून घ्या
• ही पेस्ट तुमच्या चेहऱ्यावर 15-20 मिनीटे लावून ठेवा
• नंतर पाण्याने आपला चेहरा स्वच्छ धुवून घ्या

टीप – आम्ही देत असलेली माहिती ही तज्ज्ञांशी बोलून आणि रिसर्च करून देत आहोत. हा लेख केवळ तुमच्या माहितीसाठी लिहिण्यात आला आहे. प्रत्येकाची त्वचा वेगळी असते, त्यामुळे कोणत्याही प्रकारचा उपाय करण्यापूर्वी पॅच टेस्ट करायला विसरू नका.

Web Title: Skin care tips how to make urad dal facepack at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com