चेहऱ्यावर हवा आहे पार्लरसारखा ग्लो? मग २० रुपयांच्या पपईचा 'या' पद्धतीने करा वापर
सर्वच महिलांना अतिशय सुंदर आणि चमकदार त्वचा हवी असते. पण वातावरणात होणाऱ्या बदलांमुळे आणि चुकीच्या स्किन केअर प्रॉडक्टमुळे त्वचा खूप जास्त निस्तेज आणि कोरडी पडते. थंडी वाढल्यानंतर त्वचेमधील ओलावा काहीसा कमी होऊन जातो. त्वचा खूप जास्त कोरडी आणि पांढरी पडून जाते. चेहऱ्यावरील ग्लो निघून गेल्यानंतर तो पुन्हा मिळवण्यासाठी महिला सतत काहींना काही करत असतात. कधी स्किन केअरचा वापर तर कधी बाजारात उपलब्ध असलेल्या महागड्या स्किन ट्रीटमेंट करून त्वचेची काळजी घेतली जाते. केमिकलयुक्त महागड्या ब्यूटी प्रॉडक्ट्सचा वापर केल्यामुळे काही काळापुरतीच त्वचा अतिशय सुंदर आणि चमकदार दिसते. मात्र कालांतराने चेहऱ्यावर पुन्हा एकदा सुरकुत्या दिसू लागतात. म्हणूनच आज आम्ही तुम्हाला चेहऱ्यावरील हरवलेली चमक पुन्हा मिळवण्यासाठी पपईचा वापर कशा पद्धतीने करावा, याबद्दल सविस्तर माहिती सांगणार आहोत.(फोटो सौजन्य – istock)
गोड चवीचे पपई हे फळ सगळ्यांचं खायला खूप जास्त आवडते. पपईचे सेवन केल्यामुळे शरीराला भरमसाट फायदे होतात. यामध्ये असलेले नैसर्गिक एन्झाईम्स आणि जीवनसत्त्वे त्वचेचा रंग बदलण्यासाठी मदत करतात. त्वचेची खराब झालेली गुणवत्ता आणि पोत सुधारण्यासाठी पपईचा वापर करावा. पपईपासून बनवलेला जेल मास्क त्वचेला खोलवर पोषण देतो आणि त्वचा चमकदार करण्यास मदत करतो. थंडीच्या दिवसांमध्ये काळवंडलेली त्वचा पुन्हा उजळदार करण्यासाठी पपई जेल मास्कचा वापर करावा. यामुळे त्वचा नितळ, मुलायम आणि सुंदर होईल.
हिवाळ्यासाठी पपईचा जेल मास्क:
पपई जेल मास्क तयार करण्यासाठी पपईचा गर, कोरफड जेल, विटामिन ई कँप्सूल, बदाम तेल इत्यादी साहित्य लागणार आहे. मास्क तयार करण्यासाठी सर्वप्रथम पपईचा रस वाटीमध्ये काढून घ्या. त्यानंतर त्यात बदाम तेल आणि कोरफड जेल घालून व्यवस्थित मिक्स करा. तयार केलेले मिश्रण क्रिमी झाल्यानंतर त्यात विटामिन ई कँप्सूल घालून व्यवस्थित मिक्स करा. तयार केलेले मिश्रण काहीवेळ बाजूला ठेवून नंतर गाळून घ्या.या पद्धतीने पपई जेल मास्क तयार होईल.
रात्री झोपण्याआधी चेहऱ्यावर करा ‘या’ तेलाने मसाज, सकाळी उठल्यानंतर चेहरा दिसेल टवटवीत आणि फ्रेश
चेहऱ्यावर कोणताही मास्क लावण्याआधी त्वचा पाण्याने स्वच्छ धुवून घ्या. यामुळे घाण, धूळ, माती स्वच्छ होऊन जाते. तयार केलेला मास्क लावण्याआधी त्वचेवर स्क्रब लावून हलक्या हाताने त्वचा मसाज करा. यामुळे डेड स्किन कमी होऊन जाईल. त्यानंतर त्वचा स्वच्छ धुवून तयार केलेला जेल मास्क लावावा. १५ ते २० मिनिटं मास्क ठेवल्यानंतर पाण्याने स्वच्छ करून घ्या. हा मास्क आठवड्यातून एकदा त्वचेवर लावल्यास त्वचा अतिशय चमकदार आणि सुंदर होईल. मास्क लावून झाल्यानंतर काहीवेळ त्वचेवर मसाज केल्यास त्वचा खूप जास्त सुंदर होईल.
