गुरुवार, 29 ऑक्टोबर 2026
पुणे : जुन्या वादातून टोळक्याने तुफान राडा घालत तरुणावर हल्ला करून झेरॉक्स दुकानाची तोडफोड केल्याची घटना पाषाण भागात घडली. टोळक्याने दुचाकीवरून या भागात फेरफटका मारून मोठ-मोठ्याने आरडा ओरडा करत दहशत देखील माजवली. त्यामुळे काही काळ तणावाचे वातावरण निर्माण झाले होते. याप्रकरणी चतु:श्रृंगी पोलीस ठाण्यात संदिप विलासराव तुपे (वय ४०, रा. पाषाण) यांनी तक्रार दिली आहे. त्यावरून राज मानवतकर, नितीन वैद्य यांच्यासह साथीदारांवर गुन्हा दाखल केला आहे.
[read_also content=”नवीन बांधकामाठी खोदलेल्या खड्यातील पाण्यात बुडून चिमुकल्याचा मृत्यू https://www.navarashtra.com/maharashtra/toddler-dies-after-drowning-in-gravel-excavated-for-new-construction-nrdm-326599.html”]
पोलिसांनी दिलेल्या माहितीनुसार, संदिप व आरोपींमध्ये जुने वाद आहेत. याचा राग मनात धरून टोळके रात्री ९ च्या सुमारास तरुणाच्या झेरॉक्सच्या दुकानात आले. त्यांनी संदिप यांच्यावर हल्ला केला. तर, त्यांच्या दुकानात असलेल्या झेरॉक्सच्या मशिन तसेच इतर साहित्याची दगड घालून तोडफोड केली. त्यानंतर दुचाकीवरून या भागात फिरून मोठ- मोठ्याने आरडाओरडा करत तुफान गोंधळ घातला.
टोळक्याच्या हल्ल्यात संदिप हे गंभीर जखमी झाले असून, त्यांना रुग्णालयात उपचारासाठी दाखल केले आहे. तर, टोळक्याने दहशतीने इतर दुकानदारांनी देखील आप-आपली दुकाने भितीपोटी बंद केली होती. अधिक तपास पोलीस करत आहेत.
