गुरुवार, 5 नोव्हेंबर 2026
Physical Harassment
नागपूर : इन्स्टाग्रामवर 17 वर्षीय अल्पवयीन मुलीशी मैत्री (Instagram Friend) करून एका तरुणाने तिला प्रेमाच्या जाळ्यात अडकवले. विवाहित असतानाही लग्नाचे आमिष दाखवून तिचे लैंगिक शोषण (Sexual Harassement) केले. पीडितेने लग्नासाठी दबाव टाकला असता टाळाटाळ करत होता. अखेर त्रस्त होऊन पीडितेने नवीन कामठी पोलिसात तक्रार केली. पोलिसांनी गुन्हा नोंदवून आरोपीला अटक (Police Arrest) केली.
ऋषभ विनेश उंदिरवाडे (24 रा. कामठी) असे अटकेतील आरोपीचे नाव आहे. पीडित मुलगी नुकतीच बारावी पास झाली आहे. दोन महिन्यांपूर्वी तिची इन्स्टाग्रामवर ऋषभशी मैत्री झाली. ॠषभने तिला प्रेमाच्या जाळ्यात अडकवले. विवाहित असल्याची बाब लपवून ठेवत तिला लग्नाचे आमिष दाखविले आणि लैंगिक शोषण करू लागला. पीडिता जेव्हाही लग्नाबाबत केली विचारत होती तेव्हा तो टाळाटाळ करत होता. यामुळे पीडितेने त्याच्यापासून दुरावा केला. त्यानंतरही ऋषभ तिला त्रास देत होता.
शारीरिक संबंधासाठी टाकत होता दबाव
शारीरिक संबंध ठेवण्यासाठी दबाव टाकत होता. बोलणं बंद केल्यामुळे संतापलेल्या ॠषभने ‘तू मला सोडून गेली तर मी स्वतःचे बरेवाईट करेन व तुझ्या घरच्या लोकांना खोट्या गुन्ह्यात फसवेन’, अशी धमकी दिली. यामुळे हादरलेल्या विद्यार्थिनीने घरच्यांना या प्रकाराची माहिती दिली. पोलिसात तक्रार करण्यात आली. पोलिसांनी लैंगिक अत्याचार आणि पोक्सो अॅक्टच्या कलमान्वये गुन्हा नोंदवून ऋषभला अटक केली.
