तळेगाव ढमढेरेत नदी काठी दारु विकणारा जेरबंद

तळेगाव ढमढेरे ता. शिरुर येथील वेळ नदीच्या काठी असेलल्या झाडांचा फायदा घेत देशी विदेशी दारुची विक्री करणाऱ्यावर पोलिसांनी छापा टाकत देशी दारूच्या बाटल्या जप्त करत किसन शंकर शिंदे या इसमावर गुन्हे दाखल केले आहेत.

पुणे : तळेगाव ढमढेरे ता. शिरुर येथील वेळ नदीच्या काठी असेलल्या झाडांचा फायदा घेत देशी विदेशी दारुची विक्री करणाऱ्यावर पोलिसांनी छापा टाकत देशी दारूच्या बाटल्या जप्त करत किसन शंकर शिंदे या इसमावर गुन्हे दाखल केले आहेत.

तळेगाव ढमढेरे ता. शिरुर येथील वेळ नदीच्या कडेला एक इसम देशी दारुच्या बाटल्यांची विक्री करत असल्याची माहिती पोलीस हवालदार किशोर तेलंग यांना मिळाली त्यांनतर पोलीस हवालदार किशोर तेलंग, अमोल चव्हाण, पोलीस नाईक भास्कर बुधवंत यांनी सदर ठिकाणी जात पाहणी केली असता झाडांच्या झुडपांमध्ये एक इसम लोकांना देशी दारुच्या बाटल्यांची विक्री करत असल्याचे निदर्शनास आले.

[read_also content=”किसनवीर डबघाईला आणण्याचे पाप मदन भोसले यांचे; नितीन पाटील यांचा पत्रकार परिषदेत आरोप https://www.navarashtra.com/maharashtra/madan-bhosales-sin-of-bringing-kisanvir-to-ruin-nitin-patils-allegations-in-a-press-conference-nrdm-322764.html”]

यावेळी पोलिसांनी त्याला जागेवर पकडत त्याच्या जवळील देशी दारुच्या बाटल्या जप्त केल्या असून याबाबत शिक्रापूर पोलीस स्टेशनचे पोलीस नाईक भास्कर महादेव बुधवंत रा. शिक्रापूर ता. शिरुर जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी किसन शंकर शिंदे वय ४१ वर्षे रा. सांगवी सांडस ता. हवेली जि. पुणे याच्या विरुद्ध गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस हवालदार किशोर तेलंग हे करत आहे.