Abu Azmi On Wari: “मी माझे शब्द पूर्णपणे….”; पंढरपूरच्या वारीबाबत वादग्रस्त वक्तव्याप्रकरणी अबू आझमी यांचा माफीनामा

महाराष्ट्रातील समाजवादी पक्षाचे अध्यक्ष आणि आमदार अबू आझमी यांनी वारीसंदर्भात वादग्रस्त वक्तव्य केले होते. त्यानंतर आझमी यांच्यावर मोठ्या प्रमाणावर टीका होऊ लागली. मात्र आता अबू आझमी यांनी माफी मागितली आहे.

पंढरपूरच्या वारीबाबत वादग्रस्त वक्तव्याप्रकरणी अबू आझमी यांचा माफीनामा (फोटो सौजन्य-X)

Follow Us:

Follow Us:

Abu Azmi On Wari in Marathi : महाराष्ट्राचे समाजवादी पक्षाचे अध्यक्ष आणि आमदार अबू आझमी यांनी पंढरपूर वारी पालखीबाबत दिलेल्या विधानावर राजकारण तापले होते. भाजपसह इतर पक्षांच्या नेत्यांनीही अबू आझमी यांच्या विधानावर टीका केली. यानंतर आता समाजवादी पक्षाचे अध्यक्ष आणि आमदार अबू आझमी यांनी माफी मागितली आणि स्पष्टीकरणात लिहिले की, “सोलापूरमध्ये मी नुकत्याच केलेल्या एका टिप्पणीवरून पसरलेल्या गैरसमजुती मी स्पष्ट करू इच्छितो. माझे विधान विकृत आणि द्वेषपूर्ण पद्धतीने सादर केले गेले. जर त्यामुळे वारकरी समाजाच्या धार्मिक भावना दुखावल्या गेल्या असतील तर मी माझे शब्द पूर्णपणे मागे घेतो आणि माफी मागतो. माझा हेतू कधीही कोणाच्याही धार्मिक भावना दुखावण्याचा नव्हता.”

हद्दवाढीच्या रस्त्यावर असंख्य ‘काटे’, विराेध कायम; समाविष्ट गावांची संख्या आली आठवर

सपा नेते अबू आझमी म्हणाले, “मी एक समर्पित समाजवादी आहे आणि नेहमीच प्रत्येक धर्म, संस्कृती, सुफी संत आणि त्यांच्या परंपरांचा आदर करतो. मी वारी परंपरेचे पालन करणाऱ्या सर्व वारकरी बांधवांना माझ्या हार्दिक शुभेच्छा देतो आणि त्यांच्याबद्दल माझा आदर व्यक्त करतो. ही परंपरा महाराष्ट्राच्या सर्वधर्मीय, समृद्ध सांस्कृतिक आणि आध्यात्मिक वारशाचा अभिमानास्पद भाग आहे, ज्याचा मी वैयक्तिकरित्या आदर करतो.” ‘मी मुस्लिम समुदायाविरुद्ध भेदभावाचा उल्लेख केला होता’, “मी वारी पालखीचा उल्लेख फक्त मुस्लिम समुदायाविरुद्ध आणि त्यांच्या हक्कांविरुद्ध भेदभावाच्या संदर्भात केला होता. ही कोणत्याही प्रकारची तुलना नव्हती आणि माझा हेतू आणि माझी मागणी कोणत्याही प्रकारे अयोग्य नव्हती.”

हाल ही में सोलापुर में मेरे द्वारा की गई एक टिप्पणी को लेकर जो गलतफहमियाँ फैली हैं, मैं उन्हें स्पष्ट करना चाहता हूँ। मेरे वक्तव्य को तोड़–मरोड़ कर और दुर्भावनापूर्ण ढंग से प्रस्तुत किया गया। यदि इससे वारकरी सम्प्रदाय की धार्मिक भावना आहत हुई हो, तो मैं अपने शब्द पूरी तरह से वापस…

— Abu Asim Azmi (@abuasimazmi) June 23, 2025

पंतप्रधान मोदींचा उल्लेख करून काय म्हटले?

ते म्हणाले, “माझा एकमेव हेतू सरकारचे लक्ष वेधण्याचा होता की त्यांच्या दुटप्पी निकषांमुळे अल्पसंख्याक समुदायाच्या मनात अशी भावना निर्माण होऊ नये की या देशात त्यांच्यासाठी वेगळे कायदे आहेत – तर आपल्या देशाचे पंतप्रधान नरेंद्र मोदी स्वतः म्हणतात ‘सबका साथ, सबका विकास आणि सबका विश्वास’.आम्ही उपेक्षित समाजाच्या हक्कांसाठी, आदरासाठी आणि समानतेसाठी जोरदार लढत राहू, परंतु देशाच्या एकतेला कधीही बाधा येऊ देणार नाही, असे आझमी यांनी म्हटले.ट

भीमा नदी पात्रातील सर्व प्रकारचे बंधारे वाहतुकीसाठी बंद; उजनीतून 40 हजार क्युसेकचा विसर्ग

Web Title: Abu azmi apology on pandharpur palki hindu muslim statement after bjp reacts

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com