मुंबई : आज सकाळी ईडीने (ED) संजय राऊत (Sanjay raut) यांच्या घरी छापेमारी करत तब्बल नऊ तास चौकशी केली. पत्राचाळ (Patrachawal) पुनर्विकास प्रकरणी राऊतांना ईडीने ताब्यात घेतले आहे. राऊत यांच्या भांडुप येथील मैत्री या निवासस्थानी (Bhandup maître house) त्यांची चौकशी सुरू होती. ईडीच्या नऊ तासाच्या चौकशीनंतर (ED nine hours inquiry) संजय राऊतांना ताब्यात घेतले गेलेय. त्यानंतर राऊत यांनी आपण अटक करुन घेणार असं म्हटलं आहे. त्यानंतर या प्रकरणात आणखी एक नवीन घडामोड समोर येत आहे.
[read_also content=”सुरकुत्या, मुरुमांपासून मुक्त होण्यासाठी दररोज संत्री खा https://www.navarashtra.com/lifestyle/eat-oranges-daily-to-get-rid-of-wrinkles-acne-nrrd-309862.html”]
दरम्यान, खासदार संजय राऊत (Sanjay raut) यांची चौकशीनंतर त्यांना दक्षिण मुंबईतील ईडी कार्यालयात नेण्यात आले. या दरम्यान ईडीला या प्रकरणाशी संबंधित कोणतीही कागदपत्रे किंवा पुरावे मिळाली नाहीत, अशी माहिती संजय राऊत यांचे बंधू सुनील राऊत यांनी दिली आहे. त्यानंतर आता जी ताजी माहिती येते त्यानुसार खासदार संजय राऊत यांच्या घरातून साडेअकरा लाख रुपये जप्त करण्यात आले आहेत, अशी माहिती समोर येत आहे. त्यामुळं या प्रकरणाला आणखी वेगळे वळण मिळाले आहे.
