Melghat News : पक्क्या रस्त्यांसाठी आदिवासी बांधवांचा अमरावतीत मोर्चा; प्रशासनाला आंदोलनाचा इशारा

Melghat News : अमरावती जिल्ह्यातील मेळघाट परिसरातील डोमी, भूत्रूम, कुही, रुईपठार आणि चिलाटी यांसह अनेक गावांमध्ये आजही पक्के रस्ते नसल्याने आदिवासी नागरिकांना दळणवळण आणि दैनंदिन कामांसाठी मोठ्या अडचणींचा सामना करावा लागत आहे. या समस्येकडे प्रशासनाचे लक्ष वेधण्यासाठी भैयालाल मावस्कर यांच्या नेतृत्वाखाली केले.

• आदिवासी बांधवांचा अमरावतीत तीव्र संताप 
• रस्त्यांअभावी  दैनंदिन कामासाठी अडचणींचा सामना 
• रस्त्यांची समस्या तातडीने सोडवल्या नाही तर; भविष्यात तीव्र आंदोलन छेडण्यात येईल 

 

Melghat News : अमरावती जिल्ह्यातील मेळघाटात आज सुद्धा अनेक गावांमध्ये पक्के रस्त नाही आहेत. पक्के रस्ते नसल्याने आदिवासी बांधवांना यांचा मोठ्या अडचणींचा सामना करावा लागत आहे. रस्त्यांच्या या गंभीर समस्येकडे प्रशासनाचे लक्ष वेधण्यासाठी आदिवासी बांधवांनी अमरावतीत मोर्चा काढून संताप व्यक्त केला. तर डोमी, भूत्रूम, कुही, रुईपठार आणि चिलाटीसह अशा कितेक गावांमध्ये रस्त्यांच्या समस्या असल्याचे पाहण्यास मिळत आहेत.

आदिवासी बांधवांचा अमरावतीत तीव्र संताप

मेळघाटातील अनेक गावांमध्ये रस्त्यांची दुरवस्था कायम असून आदिवासी बांधवांनी अमरावतीत तीव्र संताप व्यक्त करत डॉ. बाबासाहेब आंबेडकर चौक ते जिल्हाधिकारी कार्यालयापर्यंत मोर्चा काढण्यात आला. या समस्यांकडे प्रशासनाचे लक्ष वेधण्यासाठी डॉ. बाबासाहेब आंबेडकर चौकातून जिल्हाधिकारी कार्यालयापर्यंत मोर्चा काढण्यात आला. मेळघाटातील प्रत्येक गावात दर्जेदार सीसी रस्त्यांची निर्मिती करण्यात यावी, अशी प्रमुख मागणी यावेळी करण्यात आली.

Amravati News: आता ‘सेंट्रल किचन’ वर नजर! आदिवासी विकास विभागाकडून नऊ सदस्यीय अभ्यास समिती गठित

रस्त्यांअभावी  दैनंदिन कामासाठी अडचणींचा सामना

ग्रामीण भागातील नागरिकांना रस्त्यांअभावी दळणवळणासह दैनंदिन कामासाठी अडचणींचा सामना करावा लागत असल्याचे या आंदोलकांनी सांगितले. प्रशासनाने या मागण्यांची तातडीने दखल घेऊन रस्त्यांच्या प्रश्नावर ठोस उपाययोजना करावी अशी मागणी आंदोलक आणि गावातील नागरिक करत आहेत. या समस्यांकडे दुर्लक्ष केल्यास आगामी काळात अधिक तिव्रआंदोलन करण्यात येईल असा इशारा भैयालाल मावस्कर आणि मेळघाटातील नागरिकांनी दिला. यामुळे आता प्रशासन या मागण्यांची कितपत दखल घेईल; याकडे मेळघाटातील नागरिकांचे लक्ष लागले आहे.

रस्त्यांची समस्या तातडीने सोडवल्या नाही तर; भविष्यात तीव्र आंदोलन छेडण्यात येईल

भैयालाल मावस्कर यांनी प्रशासनाला इशारा दिला की, रस्त्यांची समस्या तातडीने सोडवल्या नाही; तर भविष्यात तीव्र आंदोलन छेडण्यात येईल. याच काळात मेळघाटातील ग्रामस्थांनी स्थानिक बोलीभाषा (कोरकू) जाणणाऱ्या आरोग्य व प्रशासकीय कर्मचाऱ्यांची नियुक्ती करावी या मागणीसाठी अमरावती जिल्हा परिषदेसमोर ठिय्या आंदोलन करण्यात आले.ज्याची दखल घेत सीईओ सत्यम गांधी यांनी कार्यवाहीचे आश्वासन दिले.

मेळघाटातील अनेक गावांमध्ये रस्त्यांची दुरवस्था कायम असल्यामुळे आदिवासी बांधवांनी अमरावतीच्या जिल्हाधिकार्यालयावर मोर्चा काढला. या मोर्चाचे नेतृत्व भैयालाल मावस्कर यांनी केले.रस्त्यांची समस्या तातडीने सोडवली नाही तर भविष्यात तीव्र आंदोलन छेडण्यात येईल.

Amravati News: मेळघाटात विद्यार्थ्यांची सिकलसेल तपासणी! एमईसीएलच्या सीएसआर निधीतून आरोग्य, पोषण अभियान