शनिवार, 24 ऑक्टोबर 2026
अमरावती : विरोधी पक्षनेते देवेंद्र फडणवीस हे ठाकरे सरकारचे घोटाळे बाहेर काढत आहे म्हणून मुख्यमंत्री उद्धव ठाकरे हे देवेंद्र फडणवीस यांना फसवण्याचं काम करत आहे अशी टीका आमदार रवी राणा यांनी केली. तर ठाकरे सरकार मधील दोन मंत्री तुरुंगात आहेत तर येणाऱ्या काळात मंत्री अनिल परब व संजय राऊत तुरुंगातमध्ये जातील अस मोठं विधान रवी राणा यांनी केलं आहे.
[read_also content=”भाजपाच्या विजयाचा संसदेत विजयोत्सव, भाजपाच्या खासदारांच्या संसदेत मोदी, मोदीच्या घोषणा, चार राज्यांतील विजयाबाबत जे. पी. नड्डा यांनाही दिल्या शुभेच्छा https://www.navarashtra.com/india/celebration-of-bjps-victory-in-parliament-modi-in-the-parliament-of-bjp-mp-modis-announcement-j-p-about-the-victory-in-four-states-p-best-wishes-to-nadda-too-nrps-254572.html”]
पोलीस भरती घोटाळा प्रकरणात रविवारी विरोधी पक्षनेते देवेंद्र फडणवीस (Devendra Fadnavis) यांचा मुंबई पोलिसांनी जबाब नोंदवला. त्यावरुन राज्यात पुन्हा एकदा राजकीय वातावरण ढवळून निघालं आहे. मुंबई पोलिसांच्या (Mumbai Police) या कारवाईचा निषेध भाजपकडून करण्यात आला. राज्यभरात भाजप नेत्यांच्या उपस्थितीत पोलिसांच्या नोटीशीची होळी करण्यात आली. तर देवेंद्र फडणवीस यांनी आपल्याला आरोपी किंवा सहआरोपी करण्याच्या उद्देशानं प्रश्न विचारण्यात आल्याचा दावा करत ठाकरे सरकारवर (Thackeray Government) जोरदार हल्ला चढवलाय. देवेंद्र फडणवीस यांनी विधानसभेत ‘व्हिडीओ बॉम्ब’ टाकून खळबळ उडवून दिल्यानंच महाविकास आघाडी सरकार सुडाचं राजकारण करत असल्याचा आरोप भाजप नेत्यांकडून केला जातोय.
