शनिवार, 29 ऑगस्ट 2026
Antilia Case : परमबीर सिंह यांच्या भूमिकेवर गंभीर प्रश्न; सेवानिवृत्त ACP बी. आर. घाडगेंची हायकोर्टात याचिका
Antilia Case : अँटिलिया प्रकरणातील तपास यंत्रणेच्या भूमिकेवर प्रश्नचिन्ह उपस्थित करत सेवानिवृत्त एसीपी बी. आर. घाडगे यांनी मुंबई सत्र न्यायालयात याचिका दाखल केली आहे. याचिकेच्या माध्यमातून तत्कालीन पोलीस आयुक्त परमवीर सिंग यांच्या भूमिकेवर गंभीर प्रश्न उपस्थित करण्यात आले आहे. या याचिकेवर सोमवारी सुनावणी होणार आहे.
कल्याण येथे घेतलेल्या पत्रकार परिषदेत घाडगे आणि त्यांचे वकील अॅड. भूषण बेंद्रे यांनी यासंदर्भातील माहिती दिली.
अँटिलिया प्रकरणात ‘ टेलीग्राम’ या माध्यमातून एक संदेश प्राप्त झाला होता. या संदेशामध्ये ‘जैस उल हिंद’ या संघटनेने जबाबदारी स्वीकारल्याचा दावा करण्यात आला होता. २१ मार्च २०२१ रोजी सायबर तज्ज्ञ ईशांत सिन्हा यांनी या संदेशासंदर्भातील माहिती तत्कालीन मुंबई पोलीस आयुक्त परमबीर सिंह यांना दिल्याचे सांगण्यात येते.जैस उल हिंद या संघटनेचा जो मेसेज होता तो तिहार जेलमधून ऑपरेट केला गेला असल्याचे सायबर एक्स्पोर्ट यांनी सांगितले.
‘तुम्ही स्वतःला देव समजता का?’ हायकोर्टाचा FDA ला सवाल; मुंबई क्रिकेट असोसिएशनला मोठा दिलासा
परमबीर सिंह यांनी ईशांत सिन्हा यांना संबंधित माहिती मुंबई पोलीस आयुक्तांच्या अधिकृत ई-मेलवर पाठवण्यास सांगितले. त्यासाठी सिन्हा यांना पाच लाख रुपये देण्यात आहे. ही सर्व बाब सायबर एक्सपोर्ट ईशांत सिन्हा यांनी तपास यंत्रणेला दिलेल्या आपल्या जबाब समोर आली आहे. त्यानंतर सिन्हा यांनी तयार केलेल्या अहवालामध्ये काही बाबी वाढवून तो पुढे पाठवण्यात आल्याचे तपास यंत्रणेला दिलेल्या त्यांच्या जबाबातून समोर आल्याचा दावा घाडगे आणि अॅड. बेंद्रे यांनी केला आहे. ईशांत सिन्हा यांनी २५ ऑगस्ट २०२१ रोजी तपास यंत्रणेच्या अधिकाऱ्यांसमोर हा जबाब नोंदवला असल्याचे त्यांनी सांगितले.
ईशांत सिन्हा हे तपासातील साक्षीदार क्रमांक १५२ असल्याचेही घाडगे यांनी सांगितले. त्यांच्या जबाबाची प्रत घाडगे आणि अॅड. भूषण बेंद्रे यांनी पत्रकार परिषदेत प्रसारमाध्यमांसमोर सादर केली.
पुणेकरांना दिलासा! बांधकाम परवानगीसोबतच होणार जमीन ‘एनए’; जिल्हाधिकारी कार्यालयाच्या फेऱ्या वाचणार
या पार्श्वभूमीवर, परमबीर सिंह यांनी सायबर तज्ज्ञाला पाच लाख रुपये का दिले? हे पैसे कुठून देण्यात आले? अहवालात कथितरीत्या वाढीव माहिती का समाविष्ट करण्यात आली? आणि या प्रकरणात परमबीर सिंह यांना आरोपी का करण्यात आले नाही? असे प्रश्न घाडगे यांनी उपस्थित केले आहेत.या सर्व बाबींची चौकशी करून तपास यंत्रणेच्या भूमिकेची चौकशी करण्यात यावी या मागणीसाठी उच्च न्यायालयात याचिका दाखल करण्यात आल्याचे घाडगे आणि त्यांच्या वकिलांनी सांगितले. या याचिकेवर सोमवारी सुनावणी होणार आहे.
