गुरुवार, 29 ऑक्टोबर 2026
निशिकांत दुबे यांनी आदित्य ठाकरेंचा नाव घेताच अरविंद सावंत आणि सुप्रिया सुळे संतापल्या (Photo Credit-)
महिला आरक्षणावर बोलताना अरविंद सावंत यांनी भाजपला महिला सुरक्षेच्या मुद्द्यावरून धारेवर धरले. “महिला आरक्षणाच्या गप्पा मारण्यापूर्वी महिला संरक्षणावर चर्चा करा. कुलदीप सेंगर कोणत्या पक्षाचा आहे? ब्रिजभूषण सिंह महिलांचा सन्मान करणारे आहेत का?” असा सवाल करत त्यांनी कुस्तीपटूंचे आंदोलन आणि उन्नाव प्रकरणाची आठवण करून दिली.
Nishikant Dubey ने संसद में बयान देते हुए कहा-
“Aaditya Thackeray ने एक हिरोइन को मार दिया,” यह टिप्पणी उन्होंने Kuldeep Singh Sengar के बचाव के दौरान की।#Parliament #DelimitationBill #MaharashtraPolitics pic.twitter.com/opcrsKVNEb — Survey Sarva (@Survey_Sarva) April 16, 2026
सावंतांच्या टीकेला उत्तर देताना भाजप खासदार निशिकांत दुबे यांनी थेट आदित्य ठाकरे यांचे नाव घेतले. “जर कुलदीप सेंगरचा उल्लेख होणार असेल, तर आदित्य ठाकरेंचेही नाव घ्यावे लागेल,” असे म्हणत त्यांनी एक गंभीर आरोप केला. या विधानामुळे अरविंद सावंत प्रचंड संतापले. त्यांनी थेट पलटवार करत, “आम्ही तोंड उघडले तर गोध्रापासून तडीपारपर्यंत सर्व फाईल्स बाहेर काढू,” असा इशारा नाव न घेता अमित शहांच्या संदर्भाने दिला.
खासदार सुप्रिया सुळे यांनीही निशिकांत दुबेंच्या विधानाचा तीव्र निषेध केला. “निशिकांत दुबे आदित्य ठाकरेंचे नाव घेऊ शकत नाहीत, त्यांच्यावर कारवाई व्हायला हवी,” अशी मागणी सुळे आणि सावंत यांनी लावून धरली. सावंतांनी पुढे आव्हानात्मक भाषेत विचारले, “तुमच्याकडे हिंमत असेल तर सध्याच्या ५४४ जागांमध्येच आरक्षण देऊन दाखवा, ८४० जागांची वाढ करून मतदारसंघ पुनर्रचनेचा खेळ कशासाठी?”
अरविंद सावंत यांनी स्पष्ट केले की, शिवसेनेचा महिला आरक्षणाला विरोध नाही, मात्र आरक्षणासाठी केली जाणारी मतदारसंघ पुनर्रचना आम्हाला मान्य नाही. उत्तर भारताचे राजकीय वर्चस्व वाढवण्यासाठी पुनर्रचनेचा घाट घातला जात असल्याचा आरोप त्यांनी यावेळी केला. पंतप्रधान नरेंद्र मोदींनी आपल्या निवेदनात “आरक्षणाला विरोध करणाऱ्यांना दीर्घकाळ परिणाम भोगावे लागतील” असे म्हटलेले असतानाच, संसदेतील या ‘तू तू मै मै’ मुळे राजकीय वातावरण अधिकच चिघळले आहे.
बोगस कॉल सेंटरच्या रॅकेटमध्ये IPS दत्ता कराळेंसह दोन पोलीस अधिक्षकांचा सहभाग; काँग्रेसचा गंभीर आरोप
