Chandrapur News: खडसंगी ग्रामपंचायतीच्या कारभारावर प्रश्नचिन्ह; शासकीय जागेवरील इमारतीच्या फेरफार नोंदीचा मुद्दा ऐरणीवर

खडसंगी ग्रामपंचायतीच्या कारभारावरून गेल्या काही दिवसांपासून नागरिकांमध्ये चर्चा सुरू आहे. चिमूर-वरोरा मार्गावरील अतिक्रमित शासकीय जागेवरील इमारतीच्या फेरफार नोंदीचा मुद्दाही चर्चेत आला आहे.

• खडसंगी ग्रामपंचायतीच्या विकासकामांचा खर्च व निर्णयांची माहिती तरुणांनी ग्रामसभेत मागितली.
• चिमूर-वरोरा मार्गावरील शासकीय जागेवरील इमारतीच्या फेरफार नोंदीचा मुद्दा चर्चेत आला.
• फेरफार झाला असल्यास तो कोणत्या कागदपत्रांच्या आधारे झाला, याची चौकशी करण्याची मागणी होत आहे.

चिमूर: खडसंगी ग्रामपंचायतीच्या कारभारावरून गेल्या काही दिवसांपासून नागरिकांमध्ये चर्चा सुरू आहे. विकासकामे, खर्चाचा तपशील तसेच ग्रामपंचायतीच्या विविध निर्णयांबाबत प्रश्न उपस्थित होत असतानाच चिमूर-वरोरा मार्गावरील अतिक्रमित शासकीय जागेवरील इमारतीच्या फेरफार नोंदीचा मुद्दाही चर्चेत आला.

Raigad News: माथेरानमध्ये ३२ जणांना ई-रिक्षा, मग उर्वरित ६२ जणांचं काय? शहरात पुन्हा आंदोलनाची चाहूल

सोमवारी झालेल्या विशेष ग्रामसभेत तरुणानी ग्रामपंचायतीच्या विविध विकासकामांची माहिती आणि खर्चाचा तपशील मागितला. मात्र, ग्रामपंचायत अधिकारी उपस्थित नसल्याने समाधानकारक माहिती मिळू शकली नसल्याचा दावा तरुणांनी केला. त्यामुळे फेर विशेष ग्रामसभा घेण्याची मागणी करण्यात आली असून, त्याबाबत ठराव झाल्याचे सांगण्यात येते. यादरम्यान, चिमूर-वरोरा मार्गावरील शासकीय जागेवर असलेल्या एका इमारतीच्या फेरफार नोंदीचा विषयही ऐरणीवर आला आहे.  (फोटो सौजन्य – AI Created) 

संबंधित जागा महसूल विभागाच्या अखत्यारित असून, आपल्या कार्यकाळात फेरफार केला नसल्याचे तत्कालीन ग्रामपंचायत अधिकारी आकाश कवाडे यांनी स्पष्ट केले. मात्र, त्यांच्या कार्यकाळानंतर या प्रकरणात नेमकी कोणती कार्यवाही झाली. ग्रामपंचायत पदाधिकाऱ्यांच्या माहितीनुसार, हा विषय मासिक सभेत मांडण्यात आला होता. फेरफार करू नये आणि झालेला असल्यास रद्द करावा, असा ठराव झाल्याचे सांगण्यात येते. त्यामुळे फेरफार झाला असल्यास तो कोणत्या प्रक्रियेतून आणि कोणत्या कागदपत्रांच्या आधारे झाला, याची चौकशी करण्याची मागणी होत आहे.

विशेष ग्रामसभेकडे आता नागरिकांचे लक्ष

फेरफाराच्या मुद्द्यासह ग्रामपंचायतीच्या कारभारातील विविध प्रश्नांवर तरुणांनी आक्रमक भूमिका घेतली. आगामी विशेष ग्रामसभेत या प्रकरणावर जाब विचारला जाण्याची शक्यता आहे. त्यामुळे ही ग्रामसभा वादळी ठरण्याची चिन्हे आहेत. फेरफार नेमका कसा झाला, त्यासाठी कोणती कागदपत्रे वापरण्यात आली आणि संबंधितांची भूमिका काय होती, याचा उलगडा अधिकृत कागदपत्रे व चौकशीतूनच होणार आहे.

मी ग्रामपंचायत अधिकारी असताना हे प्रकरण मासिक सभेत आले होते. सदर जागा महसूल विभागाची असून शासकीय जागेत येत असल्याने माझ्या कार्यकाळात फेरफार केलेला नाही. माझ्यानंतर आलेल्या ग्रामपंचायत अधिकाऱ्याऱ्यांनी काय केले, याची माहिती नाही. – आकाश कवाडे, तत्कालीन ग्रामपंचायत अधिकारी, चिमूर

Dombivli News: संस्कारांचा वारसा जतनासाठी डोंबिवलीत उपकर्म उत्सव; २०० ब्राह्मण कुटुंबांचा सहभाग

मासिक सभेत संबंधित विषय आलेला होता, मात्र तो रद्द करण्यात आला होता, अशी माहिती दिली. दरम्यान, फेरफार झालेला असल्यास संबंधित मासिक सभेत कोणकोणते पदाधिकारी उपस्थित होते, याची माहिती ग्रामपंचायत अधिकारी आल्यानंतरच स्पष्ट होईल, असे पदाधिकाऱ्यांकडून सांगण्यात आले.- संदीप भोरकर, उपसरपंच, चिमूर

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)