अजिंक्य रहाणेसाठी आनंदाची बातमी; मुंबईच्या संघाची मोठी जबाबदारी खांद्यावर; श्रेयस अय्यरलादेखील संधी

भारतीय क्रिकेट संघ ऑस्ट्रेलिया दौऱ्यावर असून सराव सामन्यात सर्व वरिष्ठ खेळाडू फ्लॉप ठरले आहेत. दरम्यान, अनुभवी फलंदाज अजिंक्य रहाणेसाठी एक मोठी बातमी समोर आली आहे.

सौजन्य - मुंबई क्रिकेट टीम Ajinkya Rahane Syed Mushtaq Ali Trophy

Follow Us:

Follow Us:

Ajinkya Rahane Syed Mushtaq Ali Trophy : भारतीय कसोटी क्रिकेट संघातून बाहेर पडल्यानंतर अजिंक्य रहाणेसाठी आनंदाची बातमी समोर आली आहे. 23 नोव्हेंबर ते 5 डिसेंबर दरम्यान होणाऱ्या सय्यद मुश्ताक अली करंडक स्पर्धेसाठी मुंबईचा कर्णधारपद देण्यात आले आहे. मुंबई क्रिकेट असोसिएशनच्या (MCA) अधिकाऱ्याने IANS या वृत्तसंस्थेला ही माहिती दिली.
भारतीय क्रिकेट संघ ऑस्ट्रेलिया दौऱ्यावर आहे. बॉर्डर गावसकर 5 कसोटी सामन्यांची मालिका 22 नोव्हेंबरपासून पर्थमध्ये सुरू होत आहे. याआधी भारत अ विरुद्ध खेळल्या गेलेल्या सामन्यात विराट, गिल आणि राहुलसह टीम इंडियाचे सर्व मोठे फलंदाज फ्लॉप ठरले होते. भारतासाठी ही चिंतेची बाब आहे. दरम्यान, वरिष्ठ खेळाडू अजिंक्य रहाणेबाबत ही महत्त्वाची बाब आहे.

अजिंक्य रहाणेने नुकतेच त्याच्या नेतृत्वाखाली मुंबईला रणजी चॅम्पियन बनवले. आता त्याला त्याच्या कामगिरीचे बक्षीसही मिळाले आहे. मुंबई क्रिकेट असोसिएशनने सय्यद मुश्ताक अली ट्रॉफीसाठी मुंबईचे कर्णधारपद अजिंक्य रहाणेकडे सोपवले आहे. आयपीएल 2025 पूर्वी रहाणेसाठी ही मोठी संधी आहे. मुश्ताक अली ट्रॉफी 23 नोव्हेंबर ते 15 डिसेंबर दरम्यान खेळवली जाईल. या स्पर्धेत रहाणेची कामगिरी चांगली राहिली, तर आयपीएल लिलावात तो विकला जाईल.

अजिंक्य रहाणे सध्या कसोटी फॉरमॅटमधील सर्वोत्तम फलंदाजांपैकी एक आहे. परदेशी खेळपट्ट्यांवर त्याचा विक्रम उत्कृष्ट राहिला आहे. त्याचा ऑस्ट्रेलियात फलंदाज आणि कर्णधार म्हणूनही उत्कृष्ट विक्रम आहे. रहाणेच्या नेतृत्वाखाली भारताने 2020-21 मध्ये ऑस्ट्रेलियात ऐतिहासिक कसोटी मालिका जिंकली. असे असूनही रहाणेला बॉर्डर-गावसकर मालिका 2023-24 साठी भारतीय संघात स्थान देण्यात आलेले नाही.

2023 मध्ये वेस्ट इंडिजविरुद्ध खेळल्या गेलेल्या कसोटी मालिकेपासून रहाणे संघाबाहेर आहे. ऑस्ट्रेलियात 12 कसोटी सामन्यात 2 शतके आणि 4 अर्धशतकांच्या मदतीने 884 धावा करणाऱ्या रहाणेने एकूण 85 कसोटी सामन्यांमध्ये 12 शतके आणि 26 अर्धशतकांच्या मदतीने 5077 धावा केल्या आहेत. त्याची सर्वोच्च धावसंख्या 188 आहे.

मुंबईचा संभाव्य संघ : पृथ्वी शॉ, आयुष म्हात्रे, अंगकृष्ण रघुवंशी, जय बिस्ता, श्रीराज घरत, अजिंक्य रहाणे (कर्णधार), श्रेयस अय्यर, सूर्यांश शेडगे, इशान मूलचंदानी, सिद्धेश लाड, हार्दिक तामोरे (विकेटकीपर), आकाश आनंद (विकेटकीपर), साईराज पाटील, आकाश पारकर, शा. , हिमांशू सिंग, सागर छाब्रिया, शार्दुल ठाकूर, मोहित अवस्थी, सिल्वेस्टर डिसोझा, रॉयस्टन डायस, योगेश पाटील, हर्ष तन्ना, इरफान उमैर, विनायक भोईर, कृतिक हनागावडी, शशांक अतरडे, जुनैद खान.

Web Title: Good news for ajinkya rahane big responsibility of mumbai team for syed mushtaq ali trophy chance for shreyas iyer too

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com