प्रेम विवाह करायचाय? मग जरूर करा; आता सरकार देणार सुरक्षा, राज्य सरकारने घेतला ‘हा’ मोठा निर्णय

Maharashtra safe house for couples: आंतरजातीय प्रेम विवाह म्हणजे एकाच धर्मातील परंतु वेगवेगळ्या जातीच्या दोन व्यक्तींमधील विवाह. आंतरजातीय विवाहांना प्रोत्साहन देण्यासाठी सरकारने योजना राबवल्या आहेत.

याला काय म्हणावं? लग्नासाठी मुली मिळत नसल्याने विवाहितेशीच लावून दिलं तरुणाचं लग्न (फोटो सौजन्य-X)

Follow Us:

Follow Us:

Maharashtra safe house for couples news Marathi: जात आणि धर्माच्या आधारे एकमेकांशी लग्न करणाऱ्या प्रेमी युगुलांच्या सुरक्षेसाठी राज्य सरकारने एक महत्त्वपूर्ण निर्णय घेतला आहे. ‘ऑनर किलिंग’च्या वाढत्या घटना लक्षात घेता, ही प्रतिबंधात्मक उपाययोजना म्हणून सरकारकडून ‘सेफ हाऊस’ करण्याचा निर्णय घेतला आहे आणि गृह मंत्रालयाने सर्व पोलिस आयुक्तालये आणि जिल्हा अधीक्षक कार्यालयांना अशी ‘सेफ हाऊस’ स्थापन करण्याचे आदेश दिले आहेत.

आंतरजातीय किंवा आंतरधर्मीय मुला-मुलींच्या प्रेमविवाहांमुळे अनेकदा कुटुंबीयांकडून त्यांचा छळ केला जातो. हे ‘ऑनर किलिंग’ सारखे प्रकारही घडतात. गेल्या महिन्यात महाराष्ट्रातील छत्रपती संभाजीनगर, सातारा, लातूर आणि बीड जिल्ह्यांमध्ये ‘ऑनर किलिंग’च्या चार घटना घडल्या आहेत.अशा घटनांना आळा घालण्यासाठी आणि प्रेमविवाह करणाऱ्या जोडप्यांच्या जीवाला असलेल्या धोक्यांवर मात करण्यासाठी गृह मंत्रालयाने सर्व पोलीस आयुत्कालये आणि जिल्हा पोलीस अधीक्षक कार्यालयांना सेफ हाऊस उभारण्याचे आदेश जारी केले आहेत.

या बंदी लागू करण्यासाठी राज्य सरकारच्या गृह मंत्रालयाने कारवाई करण्यास सुरुवात केली आहे आणि आता राज्यातील सर्वोच्च पोलीस आयुक्तालय आणि जिल्हा पोलीस अधीक्षक कार्यालयांना ‘सेफ हाऊस’ बांधण्याचे आदेश देण्यात आले आहेत. पोलीस आयुक्तपदाची जबाबदारी पोलीस निरीक्षक दर्जाच्या अधिकाऱ्यांवर असल्याने प्रत्येक जिल्ह्यात ‘सेफ हाऊस’ बांधण्यात येणार आहे.

२४ तास सशस्त्र पोलिसांचा पहारा

आंतरधर्मीय किंवा आंतरजातीय विवाहानंतर नवविवाहित जोडप्याच्या जीवाला कुटुंबीय किंवा समाजाकडून धोका असेल तर त्यांना सेफ हाऊस मध्ये ठेवण्यात येईल. तिथे चोवीस सशस्त्र पोलिस कर्मचारी उपस्थित असणार आहे. ‘सेफ हाऊस’ मध्ये राहण्यासाठी नाममात्र शुल्क आहे जे एक महिना ते एक वर्षापर्यंत उपलब्ध होणार आहे.

Web Title: Love marriage maharashtra government to set up a safe house for safety of inter faith and inter caste couples news in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com