फोटो सौजन्य सोशल मिडिया
‘राष्ट्र प्रथम’ ही संकल्पना केंद्रस्थानी ठेवून शालेय शिक्षण विभाग काम करत असून या मुळे सर्व शाळांमध्ये स्काऊट-गाईड चे शिक्षण असणे आवश्यक आहे. या उपक्रमांतर्गत परेड, संचलन आणि देशभक्तिपर गीतांवरील कवायत बंधनकारक करावी. तसेच ‘आनंददायी शनिवार’ या उपक्रमांतर्गत आठवड्यातून दोन तास ‘राष्ट्र प्रथम’ ही संकल्पनेसाठी घेण्यात याव्यात, असे निर्देश मंत्री दादा भुसे यांनी दिले.
स्काऊट-गाईड उपक्रमासाठी शाळांमधील शिक्षकांना तालुकास्तरावर सात दिवसांचे प्रशिक्षण द्यावे. जिल्हा परिषद शाळांमधील विद्यार्थ्यांचे शुल्क आणि प्रशिक्षकांचे मानधन शालेय शिक्षण विभागामार्फत देण्यात येईल, असे मंत्री दादाजी भुसे यांनी सांगितले आहेत.राज्य पुरस्कारप्राप्त विद्यार्थ्यांना सध्या तीन, तर राष्ट्रपती पुरस्कारप्राप्त विद्यार्थ्यांना दहा गुण दिले जातात. या गुणांमध्ये वाढ करण्यासाठी प्रस्ताव तयार करण्याचे निर्देश मंत्री दादा भुसे यांनी अधिकाऱ्यांना दिले.
यावेळी प्रधान सचिव रणजीत सिंह देओल, शालेय शिक्षण आयुक्त सचिंद्रप्रताप सिंह (ऑनलाईन), एससीईआरटी चे संचालक मंगेश जोशी (ऑनलाईन), उपसचिव तुषार महाजन, स्काऊट-गाईडचे सहायक राज्य सचिव रमेश जाधव यांच्यासह शालेय शिक्षण आणि क्रीडा विभागाचे संबंधित अधिकारी उपस्थित होते.
.png "Videos"){kind=small}
