गुरुवार, 8 ऑक्टोबर 2026
जरांगेंचे आंदोलन म्हणजे राजकीय सुपारी (File Photo)
सरकारच्या वतीने मंत्री राधाकृष्ण विखे पाटील आणि दादा भुसे, आमदार सुरेश धस तसेच प्रसाद लाड यांच्यासह शिष्टमंडळ पाटोदा येथे पोहोचले. मिळालेल्या माहितीनुसार पहाटे सुमारे 5.40 वाजता शिष्टमंडळाने जरांगे यांच्याशी चर्चा केली. त्यानंतर जरांगे यांनी उपोषण 90 दिवसांसाठी स्थगित करण्याची घोषणा केली. सरकारकडून हैदराबाद गॅझेटियरच्या आधारे कुणबी प्रमाणपत्रासंदर्भात सुधारित आदेश, पुणे-सातारा-कोल्हापूर आणि औंध संस्थानच्या गॅझेटचा अभ्यास, हैदराबाद गॅझेटियरच्या आधारे दिल्या जाणाऱ्या प्रमाणपत्रांना कायदेशीर वैधता आणि शिंदे समितीने शोधलेल्या 58 लाख नोंदी कायम ठेवण्यासह विविध मुद्द्यांवर आश्वासने देण्यात आल्याची माहिती आहे.
मोठी बातमी ! मनोज जरांगेंनी अखेर 20 दिवसानंतर उपोषण घेतले मागे; राज्य सरकारला दिली 3 महिन्यांची मुदत
दरम्यान, या घडामोडींमध्ये उद्योगमंत्री उदय सामंत यांच्या भूमिकेचीही चर्चा सुरू झाली आहे. मिळालेल्या माहितीनुसार, सामंत पॅरिसमध्ये असताना जरांगे यांच्या सहकाऱ्यांशी दीर्घकाळ संपर्कात होते आणि त्यांनी मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्याशीही वारंवार संवाद साधला. त्यानंतर कॉन्फरन्स कॉल आणि जरांगे यांच्या सहकाऱ्यांशी चर्चा झाल्याचा दावा या वृत्तात करण्यात आला आहे.
जरांगे यांनी सरकारला आपल्या मागण्यांवर निर्णय घेण्यासाठी तीन महिन्यांचा अवधी दिला आहे. या कालावधीत मागण्यांवर समाधानकारक कार्यवाही झाली नाही, तर आंदोलन मुंबईत नेण्याचा इशाराही त्यांनी दिला आहे. त्यामुळे 20 दिवसांच्या उपोषणाची सांगता झाली असली, तरी मराठा आरक्षणाचे आंदोलन संपलेले नाही. पुढील 90 दिवसांत सरकारकडून मागण्यांवर नेमकी कोणती कार्यवाही होते, यावर आंदोलनाची पुढील दिशा अवलंबून असेल.
Manoj Jarange Patil Ahilyanagar Visit : मनोज जरांगेंची मुंबईकडे कूच; आज श्रीगोंद्यात मुक्काम!
