रतन टाटा अनंतात विलीन, शासकीय इतमामात पार्थिवावर अंत्यसस्कार

उद्योगपती रतन टाटा अनंतात विलीन झाले आहेत. वरळीतील स्मशानभूमीत शासकीय इतमामात रतन टाटा यांच्या पार्थिवावर अत्यंसंस्कार करण्यात आले. त्यावेळी सर्व क्षेत्रातील दिग्गज मंडळी उपस्थित होती.

Follow Us:

Follow Us:

भारताच्या उद्योगजगताचा चेहरा, उद्योगपती रतन टाटा अनंतात विलीन झाले आहेत. वरळीतील स्मशानभूमीत शासकीय इतमामात रतन टाटा यांच्या पार्थिवावर अत्यंसंस्कार करण्यात आले. उद्योगपती रतन टाटा यांच्या अत्यंसस्कारासाठी केंद्रीय गृहमंत्री अमित शहा, मुख्यमंत्री एकनाथ शिंदे, उपमुख्यमंत्री देवेंद्र फडणवीस यांसह अनेक ज्येष्ठ उद्योगपती, विविध क्षेत्रातील नामवंत व्यक्ती उपस्थित होते.

सकाळी एनसीपीए येथे रतन टाटा यांचे पार्थिव दर्शनाकरिता ठेवण्यात आले होते त्याठिकाणी देशातील सर्व क्षेत्रातील दिग्गजांनी दर्शन घेतले. त्यांच्या अंतिम यात्रेमध्ये सर्वसामान्य लोक मोठ्या प्रमाणात सहभागी झाली होती. रतन टाटा यांच्या जाण्याने उद्योगक्षेत्राचेच नव्हे तर देशाची हानी झाली असल्याची भावना सर्वत्र व्यक्त केली जात.

टाटा समूहाचे माजी अध्यक्ष, उद्योगपती रतन टाटा यांनी वयाच्या 86 व्या वर्षी अखेरचा श्वास घेतला.त्यांच्या जाण्याने संपूर्ण देशावर शोककळा पसरली आहे. जगभरातूनही शोक व्यक्त केला जात आहे. रतन टाटा यांनी देशाच्या विकासासाठी आणि प्रगतीसाठी दिलेले योगदान हे अमुल्य होते. काही दिवसांआधी रतन टाटा यांना वृद्धापकाळामुळे रुटीन चेकअपसाठी मुंबईतील ब्रीच कॅंडी रुग्णालयात नेण्यात आले होते, ही माहिती त्यांनी स्वतःच दिली होती. मात्र काल रात्री त्यांचे निधन झाले. हृदयरोग तज्ज्ञ डॉक्टर शारुख अस्पी गोलवाला यांनी रतन टाटा यांच्यावर उपचार केले. मात्र त्याच्या वाढत्या वयामुळे रतन टाटा यांची प्राणज्योत मालवली.

रतन टाटा यांचे तीन दिवसांपूर्वी ब्लड फ्रेशर कमी झाले होते. त्यामुळे त्यांना मुंबईतील ब्रीच कॅन्डी रुग्णालयात उपचारासाठी दाखल करण्यात आले. ब्लड प्रेशर डाऊन झाल्यामुळे त्यांची तब्येत पूर्णपणे बिघडून गेली होती.कमी रक्तदाबाची समस्या उद्भवल्यानंतर शरीरातील अवयव काम करणं बंद करतात. तसेच रतन टाटा यांना डिहायड्रेशनची समस्या देखील उद्भवली होती.

रतन टाटा यांच्याविषयी…

• टाटा यांनी मार्च 1991 मध्ये टाटा सन्सचे अध्यक्षपद स्वीकारले आणि 28 डिसेंबर 2012 रोजी निवृत्त झाले. त्यांच्या कार्यकाळात टाटा समूहाचा महसूल अनेक पटींनी वाढला. हा महसूल 1991 मध्ये फक्त 10,000 कोटी रुपयांच्या उलाढालीवरून 2011-12 मध्ये US$100.09 अब्ज इतका वाढला.
• 2000 मध्ये टाटा टी कडून US$450 दशलक्ष मध्ये टेटली, 2007 मध्ये £6.2 बिलियन मध्ये टाटा स्टील कडून पोलाद निर्माता कोरस आणि 2008 मध्ये £2.3 बिलियन मध्ये टाटा मोटर्स यासह काही महत्त्वपूर्ण संपादनांद्वारे त्यांनी समूहाचे नेतृत्व केले.  ऐतिहासिक जग्वार लँडचा कंपनीत समावेश आहे.
• निवृत्तीनंतर टाटा यांना त्यांचे उत्तराधिकारी सायरस मिस्त्री यांच्याशी बोर्डरूम युद्धाचा सामना करावा लागला. मिस्त्री यांना 24 ऑक्टोबर 2016 रोजी टाटा सन्सच्या अध्यक्षपदावरून काढून टाकण्यात आले.
• मिस्त्री यांना हटवल्यानंतर ते समूहाचे अंतरिम अध्यक्ष म्हणून परत आले. त्यानंतर जानेवारी 2017 मध्ये टाटा समूहाचे नेतृत्व एन. चंद्रशेखरन यांना देत. रतन टाटा यांनी टाटा सन्सच्या मानद अध्यक्षपदाची भूमिका स्वीकारली.

Web Title: Ratan tata funeral cremation of the body in state ceremony

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com