सोमवार, 19 ऑक्टोबर 2026
फोटो सौजन्य सोशल मीडिया
दिवसाचा खेळ संपला, तेव्हा विदर्भाच्या पहिल्या डावाला सुरुवात झाली नव्हती. विदर्भाकडून नचिकेत भुते सर्वाधिक यशस्वी गोलंदाज ठरला. त्याने १६.५ षटकांत ४१ धावा देत ३ गडी बाद केले. रजनीश गुरबानीने १४ षटकांत ४१ धावा देत २ बळी घेतले. यश ठाकूरने १७ षटकांत ६३ धावा देत २ फलंदाजांना बाद केले. प्रफुल्ल हिंगे आणि हर्ष दुबे यांनी प्रत्येकी एक गडी बाद केला. हर्षने १४ षटकांत ३९ धावा दिल्या.
मंदार महालेने किफायतशीर गोलंदाजी करत ९ षटकांत केवळ १६ धावा दिल्या.तीन बदल; मंदार महालेचे पदार्पण रणजी स्पर्धेतील दुसऱ्या सामन्यासाठी विदर्भाने अंतिम अकरामध्ये तीन बदल केले आहेत.मागील सामन्यात शतक झळकावणाऱ्या यश राठोडच्या जागी युवा अष्टपैलू मंदार महालेला संधी देण्यात आली आहे. मंदारचा हा पहिलाच प्रथम श्रेणी सामना आहे.
नामिबिया दौऱ्यात शानदार कामगिरी करून २५ वर्षीय मंदारने विदर्भक्रिकेट असोसिएशनच्या निवडकत्यांचे लक्ष वेधले होते. या दौऱ्यात तो विदर्भाकडून सर्वाधिक धावा करणारा फलंदाज ठरला होता. मंदारशिवाय दर्शन नालकंडेच्या जागी वेगवान गोलंदाज रजनीश गुरबानी, तर पार्थ रेखडेच्या जागी वेगवान गोलंदाज यश ठाकूरला अंतिम अकरामध्ये स्थान देण्यात आले आहे.
विदर्भाच्या गोलंदाजांनी सुरुवातीपासूनच प्रतिस्पर्धी संघावर दबाव कायम ठेवला. क्यूमरान इक्बाल ९ तर यावर हसन २१ धावा करून बाद झाला. त्यानंतर पारस डोगरा आणि कथलप्रीत सिंह यांनी डाव सावरण्याचा प्रयत्न केला. मात्र, डोगरा बाद झाल्यानंतर संघाच्या अडचणी वाढल्या, कवलप्रीतने एका बाजूने खिंड लढवली: परंतु दुसऱ्या बाजूने नियमित अंतराने गडी बाद होत राहिले. नचिकेत भुते, रजनीश गुरबानी आणि यश ठाकूर यांनी महत्त्वाच्या क्षणी बळी घेत जम्मू-काश्मीरच्या धावसंख्येला मर्यादा घातली.
जम्मू-काश्मीरला २६० धावांत रोखल्यानंतर विदर्भाला पहिल्या डावात आघाडी घेण्याची चांगली संधी आहे. मात्र, श्रीनगरमधील खेळपट्टी आणि परिस्थिती लक्षात घेता फलंदाजांना संयम व तंत्राचा कस लावावा लागेल. विदर्भाच्या फलंदाजांनी मोठ्या भागीदारी केल्यास संघाला सामन्यात आपली स्थिती अधिक मजबूत करता येईल.
Nagpur News : भाजप नेत्यांचा १०० कोटींचा गरबा ;दुष्काळावरून लोंढे यांचा सरकारवर हल्लाबोल
जम्मू-काश्मीरकडून कवलप्रीत सिंहने विदर्भाच्या गोलंदाजांचा ठामपणे सामना केला. त्याने १५ वौकारांसह १७६ चेंडूंत ९६ धावा केल्या. मात्र, प्रफुल्ल हिंगेच्या शोवर धावबाद झाल्याने त्याचे शतक अवघ्या चार धावांनी हुकले, जम्मू-काश्मीरकडून त्याने सर्वाधिक धावा केल्या. कर्णधार पारस डोगराने ६७ चेंडूंत ३६, तर यष्टिरक्षक फलंदाज रिथम शर्माने ४५ चेंडूत ३१ धावांचे योगदान दिले, लोन नासिरने ५३ चेंडूंत २१, तर यावर हसनने ४५ चेंडूत २१ धावा केल्या. या खेळीनतरही जम्मू-काश्मीरला मोठी धावसंख्या उभारता आली नाही.
