टंचाई निवारणार्थ 13.84 कोटी; टँकरद्वारे पाणीपुरवठ्यासाठी 11 कोटींची तरतूद

जिल्ह्यातील तब्ब्ल २ हजार ६४ गाव आणि वाड्यांना दुष्काळाच्या छायेत सापडले आहे. जलस्रोत झपाट्याने तळ गाठत आहे. त्यामुळे आगामी अवघ्या काही दिवसातच पाण्याचे मोठे दुर्भिक्ष्य जाणवणार आहे.

• टंचाई निवारणार्थ 13.84 कोटी
• पाणीपुरवठ्यासाठी 11 कोटींची तरतूद
• आराखड्यात एकूण नऊ योजनांचा समावेश

नाशिक : यंदा पावसाचा मोठा खंड पडल्याने राज्य सरकारने १३ तालुक्यांमध्ये दुष्काळ जाहीर केला आहे. ग्रामीण भागात विहिरींनी तळ गाठण्यास सुरुवात केली आहे. भूजल पातळी देखील झपाटयाने खालावत आहे. त्यामुळे जिल्हा प्रशासनाने २०२६-२०२७ वर्षाकरिता पावसाचे प्रमाण लक्षात घेऊन टंचाई निवारणार्थ १३ कोटी ८४ लाख ४२ हजार रुपयांचा कृती आराखडा तयार केला असून, तो मंजुरीसाठी राज्य शासनाकडे सादर केला आहे. या कृती आराखड्यात टँकरद्वारे पाणीपुरवठा करण्यासाठी ११.१५ कोटीची तरतूद करण्यात आली आहे. त्यामुळे जिल्ह्याची सारी भिस्त ही टँकरवर राहणार हे आता स्पष्ट झाले आहे.

ऑक्टोबर ते डिसेंबर, जानेवारी ते मार्च व एप्रिल ते जून या तीन टप्प्यासाठी हा आराखडा तयार करण्यात आला आहे. जिल्ह्यातील तब्ब्ल २ हजार ६४ गाव आणि वाड्यांना दुष्काळाच्या छायेत सापडले आहे. जलस्रोत झपाट्याने तळ गाठत आहे. त्यामुळे आगामी अवघ्या काही दिवसातच पाण्याचे मोठे दुर्भिक्ष्य जाणवणार आहे. त्यामुळे जिल्हा प्रशासनाने आतापासूनच उपाययोजना करण्यास सुरुवात केली आहे. पाणी टंचाई तीव्र झाल्यानंतर टंचाईग्रस्त भागात पाणीपुरवठा करण्यासाठी पहिल्या टप्यात १०५, दुसऱ्या टप्य्यात १३५ तर तिसऱ्या प्य्य्यात ११५ असे एकूण ३५५ टँकरचे नियोजन प्रशासनाने केले आहे. यासाठी ११.१५ कोटींची तरतूद करण्यात आली आहे.

385 विहिरींचे अधिग्रहण

दरम्यान, ज्या भागात पाण्याचे कोणतेही पर्याय उपलब्ध नाही, अशा भागात तब्बल ३८५ खासगी विहिरींचे अधिग्रण करून पाणी पुरवठा केला जाणार असून एकूण तीन टप्प्यात विहिरींचे अधिग्रहण नियोजित आहे.

आराखड्यात एकूण नऊ योजनांचा समावेश

टंचाई कृती आराखडा तयार करताना झालेले पर्जन्यमान विचारत घेऊन एकूण नऊ योजना समाविष्ट करण्यात आलेल्या आहेत. प्रगतीतील नळ योजना पूर्ण करणे, ना.पा पु दुरुस्ती, तात्पुरती नगरपालिका योजना घेणे, विहिरी खोल करणे, खासगी विहीर अधिग्रहण करणे, टँकरद्वारे पाणी पुरवठा करणे या योजनांचा आराखड्यात समावेश आहे. यात ना.पा.पु दुरुस्तीसाठी २८ लाख, तात्पुरती न.पा योजनेसाठी २८ लाख, विहिरी खोली करण्यासाठी २० लाख, खासगी विहिरी अधिग्रहणासाठी १ कोटी ९२ लाख ८२ हजार, तर टँकरद्वारे पाणी पुरवठ्यासाठी ११ कोटी १५ लाख ४२ हजार रुपयांची तरतूद करण्यात आली.

FAQ :

11 कोटींची तरतूद कुठे आणि कशासाठी?

– ही तरतूद महाराष्ट्रातील दुष्काळग्रस्त जिल्हा परिषदा / महानगरपालिकांनी टँकरद्वारे पाणीपुरवठ्यासाठी केली आहे. रोज 50 फेऱ्या होत आहेत. नाशिक जिल्हा परिषद 13 कोटींचा टंचाई आराखडा तयार आहे.

टँकरचे नियोजन कसे असते? किती गावांना फायदा?

– 300-400 गावांना फायदा होतो. खाजगी विहिरी / बोअरवेल अधिग्रहित करते. तिथे टँकर भरतात. प्रत्येक तालुक्यात पथक टँकर फेऱ्यांचे GPS ट्रॅकिंग – पाणी वाटपात दुजाभाव नको म्हणून10% धरणाचे पाणी राखीव ठेवले.

‘ईडी’ची मोठी कारवाई ! तब्बल 200 कोटींची खाती गोठवली; व्हॉट्सॲप टिप्सद्वारे शेअरची फसवणूक