शुक्रवार, 16 ऑक्टोबर 2026
सौजन्य - नवराष्ट्र टीम
पुणेकरांना स्वच्छ आणि शुद्ध पिण्याचे पाणी उपलब्ध करून देणे ही महानगरपालिकेची जबाबदारी आहे. मात्र, धरणात दूषित सांडपाणी मिसळत असल्याच्या तक्रारीमुळे नागरिकांच्या आरोग्याबाबत चिंता वाढली आहे. त्यामुळे प्रशासनाने हे प्रकरण गांभीर्याने घेऊन तात्काळ प्रभावी उपाययोजना कराव्यात, अशी मागणी करण्यात आली.
दूषित पाण्याचा स्रोत शोधण्याची मागणी
खडकवासला धरणात दूषित सांडपाणी नेमके कुठून मिसळत आहे, याचा तातडीने शोध घेऊन तो स्रोत बंद करावा, अशी मागणी बालवडकर यांनी केली आहे. तसेच पिण्याच्या पाण्याची नियमित तपासणी करून नागरिकांना शुद्ध पाणी मिळत असल्याची खात्री द्यावी, असेही त्यांनी म्हटले आहे. दूषित पाण्यामुळे नागरिकांच्या आरोग्याला धोका निर्माण होऊ नये, यासाठी प्रतिबंधात्मक उपाययोजना कराव्यात. या प्रकरणात दोषी आढळणाऱ्यांवर नियमानुसार कठोर कारवाई करावी आणि भविष्यात अशी परिस्थिती पुन्हा उद्भवणार नाही, याची काळजी घ्यावी, अशी मागणीही त्यांनी केली.
‘पुणेकरांना आश्वासने नकोत, शुद्ध पाणी हवे’
अमोल बालवडकर म्हणाले की, पुणेकरांना केवळ आश्वासने नकोत, तर शुद्ध पिण्याचे पाणी हवे आहे. नागरिकांच्या आरोग्याशी निगडित या गंभीर मुद्द्यावर प्रशासन केवळ आश्वासने देऊन आपल्या जबाबदारीपासून मागे हटू शकत नाही. त्यांनी तात्काळ ठोस पावले उचलावीत. शुद्ध पिण्याचे पाणी हा नागरिकांचा अधिकार आहे आणि त्यासाठी आवाज उठवणे हे लोकप्रतिनिधींचे कर्तव्य आहे.
Ans: खडकवासला धरणात दूषित सांडपाणी मिसळत असल्याचा मुद्दा पुणे महापालिकेच्या मुख्य सभेत उपस्थित करण्यात आला.
Ans: पिण्याच्या पाण्याच्या शुद्धतेचा मुद्दा अधोरेखित करण्यासाठी अमोल बालवडकर यांनी महापौर आणि महापालिका आयुक्तांना वॉटर प्युरिफायर भेट दिला.
Ans: पुणेकरांना स्वच्छ आणि शुद्ध पिण्याचे पाणी मिळावे यासाठी दूषित सांडपाण्याचा प्रश्न गांभीर्याने घेऊन तातडीने प्रभावी उपाययोजना करण्याची मागणी करण्यात आली.
