मंगळवार, 20 ऑक्टोबर 2026
सौजन्य - नवराष्ट्र टीम
घटनास्थळी खड्ड्याभोवती करण्यात आलेले बॅरिकेडिंग मजबूत नव्हते. तेथे फायबरचे बॅरिकेडिंग लावण्यात आले होते. त्यामुळे अपघाताच्या वेळी ते पुरेशी सुरक्षा देऊ शकले नाही. संबंधित कंत्राटदाराचे काम निर्धारित उद्दिष्टानुसार वेगाने सुरू होते; मात्र, सुरक्षेच्या उपाययोजनांमध्ये झालेली चूक गंभीर आहे. मजबूत बॅरिकेडिंग केले असते, तर ज्येष्ठ नागरिकाचा जीव वाचू शकला असता, असे आयुक्तांनी स्पष्ट केले. सामान्यतः एखाद्या कंत्राटदाराला काळ्या यादीत टाकण्याची कारवाई विशिष्ट प्रकल्पापुरती मर्यादित असते. मात्र, या प्रकरणात संबंधित कंत्राटदाराकडे सुरू असलेली सर्व कामे काढून घेण्याचा निर्णय महापालिकेने घेतला आहे. कारवाईपूर्वी कंत्राटदाराला कारणे दाखवा नोटीस देऊन त्याची बाजू मांडण्याची संधी दिली जाईल. त्यानंतर नियमानुसार पुढील निर्णय घेतला जाईल, असे आयुक्तांनी सांगितले.
रुग्णालयातून डिस्चार्ज दिल्याबाबतही चौकशी
संबंधित कंत्राटदाराकडे शहरात किती कामे सुरू आहेत, याची माहिती संकलित केली जात आहे. शहरात ड्रेनेज आणि अन्य पायाभूत सुविधांची कामे अनेक ठिकाणी सुरू आहेत. या कामाबाबत संबंधित अधिकाऱ्यांना सुरक्षेच्या उपाययोजनांबाबत अधिक दक्ष राहण्याच्या सूचना दिल्या जातील. चौकशीत समोर येणाऱ्या त्रुटींच्या आधारे नवी प्रमाणित कार्यपद्धती तयार करण्यात येईल, असे राम यांनी सांगितले. अपघातानंतर ज्येष्ठ नागरिकाला राजीव गांधी रुग्णालयात दाखल केले होते. त्यांना कोणत्या परिस्थितीत रुग्णालयातून डिस्चार्ज दिला आणि त्याच रात्री त्यांचा मृत्यू कसा झाला, याचीही चौकशी होणे आवश्यक आहे. या प्रकरणाची माहिती घेण्यास पोलिसांना सांगितले आहे. अपघातात वाहनचालकाची किंवा मृत व्यक्तीची काही चूक होती का, याचा तपास पोलिस करतील. मात्र, ड्रेनेजच्या कामाच्या ठिकाणी सुरक्षेच्या उपाययोजनांमध्ये झालेल्या त्रुटींकडे दुर्लक्ष करता येणार नाही, असे आयुक्तांनी स्पष्ट केले.
हे सुद्धा वाचा : गोळीबार, गुंडगिरी अन् बेरोजगारीवरून रोहित पवार आक्रमक; सरकारवर साधला जोरदार निशाणा
महापौरांच्या प्रतिक्रियेवरून वाद निर्माण
येरवड्यात महापालिकेच्या मलनिस्सारण वाहिनीच्या कामासाठी खोदलेल्या खड्ड्यात पडून ज्येष्ठ नागरिकाचा मृत्यू झाल्याच्या घटनेने शहरातील सुरक्षिततेचा प्रश्न ऐरणीवर आला आहे. या घटनेबाबत प्रतिक्रिया विचारणाऱ्या पत्रकाराला उत्तर देण्याऐवजी, मी काय कॉन्ट्रॅक्टर आहे का? मी त्या माणसाला ढकललंय का? मी गाडी चालवत होते का? असे प्रतिप्रश्न करत पुण्याच्या महापौर मंजूषा नागपुरे यांनी जबाबदारीबाबत हात झटकल्याची टीका होत आहे. या संभाषणाची ध्वनिफीत समाजमाध्यमांवर प्रसारित झाल्यानंतर महापौरांच्या प्रतिक्रियेवरून वाद निर्माण झाला आहे.
Ans: येरवडा परिसरात ड्रेनेजच्या कामासाठी खोदलेल्या सुमारे १५ फूट खोल खड्ड्यात पडून एका ज्येष्ठ नागरिकाचा मृत्यू झाला. खड्ड्याभोवती करण्यात आलेले बॅरिकेडिंग पुरेसे मजबूत नसल्याचे समोर आले आहे.
Ans: महापालिकेने संबंधित कंत्राटदाराला कारणे दाखवा नोटीस बजावली आहे. त्याला काळ्या यादीत टाकण्यासह त्याच्याकडे सुरू असलेली सर्व कामे काढून घेण्याची प्रक्रिया राबवण्यात येणार आहे. तसेच, गुन्हा दाखल करण्यासाठी पोलिसांकडे तक्रार देण्यात आली आहे.
Ans: घटनास्थळी खड्ड्याभोवती फायबरचे बॅरिकेडिंग करण्यात आले होते. ते पुरेसे मजबूत नसल्यामुळे आवश्यक सुरक्षा मिळाली नाही. मजबूत बॅरिकेडिंग केले असते, तर ज्येष्ठ नागरिकाचा जीव वाचू शकला असता, असे महापालिका आयुक्त नवल किशोर राम यांनी स्पष्ट केले.
