येळकोट येळकोट जय मल्हार! जेजूरी गडावर भाविकांची अलोट गर्दी; लाखो भक्तांकडून मुक्तहस्ताने भंडाऱ्याची उधळण

जेजुरी: अवघ्या महाराष्ट्राचे कुलदैवत तथा बहुजन बांधवांचा लोक दैव असलेल्या खंडेरायाच्या जेजुरीमध्ये सोमवती निमित्त आज सकाळपासूनच भाविक भक्तांनी सोमवती यात्रेनिमित्त  पालखी सोहळ्याचा आनंद लुटण्यासाठी  जेजुरीगडावर हजेरी  लावण्यास  सुरुवात केली. सकाळी ठीक अकरा दरम्यान जेजुरी गडावर मार्तंड देव संस्थांचे विश्वस्त पदाधिकारी,ग्रामस्थ,खांदेकरी मानकरी, भाविक भक्त, त्याचबरोबर महाराष्ट्रातून तसेच इतर  राज्यातून आलेले भाविक भक्त  गडावर सोमवती पालखी निमित्त हजर होते.

पहाटे  भूपाळी, काकड आरती,  नित्य पूजा, पार पडल्यानंतर अकरा वाजता उत्सव मूर्तींना विधिवत  पालखीमध्ये ठेवण्यात आले.यावेळी जेजुरीचे इनामदार राजाभाऊ पेशवे, सचिन पेशवे, माळवदकर पाटील,खोमणे पाटील, मार्तंड देव संस्थांचे  विश्वस्त आणि खांदेकरी मानकरी सोहळ्याचे पदाधिकारी  उपस्थितीत होते. कायदा सुव्यवस्था योग्य राहावा यासाठी पोलीस अधिकारी कर्मचारी तैनात होते.   काही पोलीस कर्मचारी खांदेकरींच्या वेशभूषेत  दिसून आले. सरकार पेशवे यांनी आदेश देतात खांदेकरांनी “सदानंदाचा येळकोट “येळकोट येळकोट जय मल्हार” असे गर्जना करत पालखी उचलली जमलेल्या लाखो भाविकांनी  भंडाराची उधळण केली.

भाविक भक्तांची  गडावर मोठी गर्दी उसळली होती. मंदिराला प्रदक्षिणा घालत उत्तर दरवाजाने पालखीने स्नानासाठी कऱ्हा  नदीकडे प्रस्थान केले.यावेळी गडाच्या दुतर्फा उभे असलेल्या सर्व भावी भक्तांनी पालखी वर मुक्तहस्ताने  भंडाराची उधळीत करत येळकोट येळकोट जय मल्हार नावाचा जयघोष केला. पालखी मुख्य द्वारातून बाहेर पडून नंदी चौकातून गौतमेश्वर मंदिराकडे रवाना झाली. या ठिकाणी देखील मोठ्या संख्येने  भाविक भक्त उपस्थित होते.