Pune News: धक्कादायक! Spicejet विमानातील कोक कॅनमध्ये तीक्ष्ण धातूचे तुकडे; प्रवाशाच्या घशाला इजा

कोकच्या कॅनमध्ये आढळले धातूचे तीक्ष्ण तुकडे
प्रकरण गांभीर्याने न घेतल्याची प्रवाशाने व्यक्त केली खंत
अभिजीत भोसले यांच्या घशाला इजापुणे:गोवा ते पुणे या स्पाइसजेटच्या विमान (एसजी१०८०) मधील प्रवासादरम्यान एक धक्कादायक घटना घडली. पुण्यातील व्यावसायिक अभिजीत भोसले यांना कृ मेंबर कडून दिलेल्या डाएट कोकच्या कॅनमध्ये धातूचे तीक्ष्ण तुकडे आढळले . या तुकड्यांमुळे त्यांच्या घशाला इजा झाली. त्यांना तातडीने रुग्णालयात दाखल करण्यात आले. मात्र या संपूर्ण प्रकरणाबाबत स्पाइसजेट, कोका कोला आणि संबंधित यंत्रणांनी या प्रकरणाला गांभीर्याने न घेतल्याची खंत अभिजीत भोसले यांनी पत्रकार परिषदेत व्यक्त केली.

विमान प्रवास दरम्यान सॉफ्ट ड्रिंक घेतले असता काही घोट पिल्यानंतर घशात तीव्र वेदना जाणवू लागली आणि श्वास घेण्यास त्रास झाला. विमानातून उतरल्यानंतर एअरलाइनने तातडीने रुग्णवाहिका बोलावली आणि रुबी हॉल हॉस्पिटलमध्ये उपचारासाठी नेण्यात आले, अशी माहिती त्यांनी दिली.

डाएट कोकच्या कॅनमध्ये धातूचे तुकडे स्पष्टपणे दिसत होते. त्यातला एक लहान तुकडा आमच्या हातीही आला. कृ मेंबरने तो कॅन जबरदस्तीने हिसकावून घेतला आणि कचऱ्याचा डब्यात टाकल्याचे सांगितले. हा पुरावा नष्ट केल्याचे आरोपही त्यांनी कृ मेंबर्स वर केले. यासंदर्भात भोसले यांनी स्पाइसजेट, कोकाकोला इंडिया, डीजीसीए, एफएसएएसएआय आणि नागरी विमान वाहतूक मंत्रालयाकडे वारंवार तक्रारी केल्या. तरी कोणतीही ठोस व पारदर्शक कारवाई झालेली नाही, असेही आरोप त्यांनी पत्रकार परिषदेतून केले.

ही घटना केवळ एकट्या पुरती मर्यादित नसून प्रत्येक प्रवाशासाठी गंभीर धोका निर्माण करणारी आहे. त्यामुळे प्रशासनाने तातडीने निष्पक्ष चौकशी करून आवश्यक ती कारवाई करावी अशी मागणी अभिजित भोसले यांनी पत्रकार परिषदेत केली.

मुंबई एअरपोर्टवर Spicejet च्या विमानाने उड्डाण घेतले अन्…

काही दिवसांपूर्वी मुंबई विमानतळावर एक मोठी घटना घडली. स्पाइसजेट विमानाचे आपत्कालीन लॅंडींग करण्यात आले. स्पाइसजेटच्या विमानाने उड्डाण केले आणि उड्डाण केळीवर त्याचे बाह्यचाक निखळले. त्यानंतर या विमानाचे आपत्कालीन लॅंडींग मुंबई विमानतळावर करण्यात आले.

मोठी बातमी! अनर्थ टळला; मुंबई एअरपोर्टवर Spicejet च्या विमानाने उड्डाण घेतले अन् बाह्य चाक…
स्पाइसजेट विमानचे चाक उड्डाण केल्यावर हवेतच निखळल्याची घटना घडली. त्यानंतर स्पाइसजेट विमानाचे आपत्कालीन लॅंडींग छत्रपती शिवाजी महाराज आंतराष्ट्रीय मुंबई विमानतळावर करण्यात आले. त्यामुळे मोठा अनर्थ टळला. या विमानाचे सुखरूप लॅंडींग करण्यात आले. या विमानातून प्रवास करणारे सर्व 75 प्रवासी सुखरूप असल्याचे समोर आले.