पुण्यातील बहुतांश भागांत गुरुवारी पाणीपुरवठा राहणार बंद; शुक्रवारीही कमी दाबाने पाणी
पुणे : पुणे महानगरपालिकेच्या पाणीपुरवठा विभागांतर्गत विविध जलशुद्धीकरण केंद्रांमध्ये विद्युत, पंपिंग तसेच स्थापत्य विषयक तातडीची देखभाल व दुरुस्तीची कामे करण्यात येणार आहेत. त्यामुळे गुरुवारी (दि.२७) शहरातील बहुतांश भागांचा पाणीपुरवठा दिवसभर बंद राहणार आहे. त्यानंतर शुक्रवारी (दि.२८) सकाळी उशिरा आणि कमी दाबाने पाणीपुरवठा होण्याची शक्यता आहे.
या पार्श्वभूमीवर नागरिकांनी २७ ऑगस्टपूर्वी आवश्यक तेवढा पाणीसाठा करून ठेवावा, असे आवाहन पाणीपुरवठा विभागाचे मुख्य अभियंता नंदकिशोर जगताप यांनी केले आहे. पर्वती एचएलआर टाकी परिसरातील सहकारनगर, पद्मावती, बिबवेवाडी, कोंढवा खुर्द, अप्पर व लोअर इंदिरानगर, गंगाधाम, महर्षीनगर, पर्वती गावठाण आदी भागांचा पाणीपुरवठा बंद राहणार आहे. भामा आसखेड जलकेंद्रांतर्गत लोहगाव, कळस, धानोरी, टिंगरेनगर, विमाननगर, वडगावशेरी, कल्याणीनगर, विश्रांतवाडी, येरवडा आणि खराडी परिसर प्रभावित होणार आहे.
धाराशिवात मुसळधार पावसालाही न जुमानता आंबेडकरी एल्गार ! आनंदराज आंबेडकरांनी दिला सरकारला इशारा
एसएनडीटी एचएलआर परिसरातील औंध, बोपोडी, गोखलेनगर, पुणे विद्यापीठ, सेनापती बापट रोड, प्रभात रोड, पौड रोड, कर्वे रोड, वारजे आदी भागांनाही पाणीपुरवठा बंदचा फटका बसणार आहे. चांदणी चौक टाकीअंतर्गत बावधन, पाषाण, सुतारवाडी, सोमेश्वरवाडी, सुस रोड परिसराचा समावेश आहे.
याशिवाय, गांधी भवन, पॅनकार्ड क्लब, वारजे, चतुःश्रृंगी, होळकर, कोंढवे-धावडे तसेच वडगाव-राजीव गांधी पंपिंग परिसरातील विविध भागांमध्येही पाणीपुरवठा बंद राहणार आहे. नागरिकांनी पाण्याचा काटकसरीने वापर करून महापालिकेस सहकार्य करावे, असे आवाहन प्रशासनाने केले आहे.
डोंगर चढून तळ्याची साफसफाई
मसूर-हणबरवाडी-निगडीच्या सीमेवर वसलेल्या थोरल्या डोंगरावर जलसंधारणाचा प्रेरणादायी अध्याय लिहिला गेला. सुमारे सहाशे मीटर उंचीच्या या बलाढ्य डोंगरावर ज्येष्ठ मंडळी, युवक, बालचमूंनी एकत्र येत श्रमदानाच्या माध्यमातून वर्षानुवर्षे दुर्लक्षित पडलेल्या मृत तळ्याला नवसंजीवनी दिली. भर उन्हाळ्यात प्रखर उन्हाची तमा न बाळगता डोंगर चढून तळ्याची साफसफाई केली. अन् त्याचे पुनरुज्जीवन केले. त्याच कष्टांचे फळ आज पावसाळ्यात दिसून येत आहे.
.png "Videos"){kind=small}
