गुरुवार, 24 सप्टेंबर 2026
सौजन्य - सोशल मिडीया
शुक्रवारचा हा मोर्चा राजवाडा ते पोलीस करमणूक केंद्र या मार्गावर मार्गक्रमण करणार आहे. घोषणा न देता केवळ डीजे आणि लेझर विरोधी फलक उंचावून या मोर्चामध्ये सहभागी होणार आहेत .यावर्षी साताऱ्यातील प्रथितयश डॉक्टर मंडळी तसेच अनेक महिला मोठ्या संख्येने या मोर्चामध्ये सहभागी होणार आहेत. या मोर्चामध्ये सामील होण्यासाठी मोठ्या संख्येने उपस्थित राहा आणि प्रत्येकाने आपल्याबरोबर किमान पाच मित्र किंवा मैत्रिणींना घेऊन यावे. असे आवाहन आयोजक प्रसाद चाफेकर यांनी केले आहे.
गणेशोत्सवासह राज्यातील विविध धार्मिक सण आणि मिरवणुकांमध्ये होणाऱ्या ध्वनी आणि वायुप्रदूषणावर मुंबई उच्च न्यायालयाने अखेर कडक भूमिका घेतली आहे. सार्वजनिक रस्त्यांवर आणि ठिकाणी फटाके फोडण्यास न्यायालयाने पूर्ण बंदी घातली आहे. त्याचबरोबर लेझर लाईट, हाय-इंटेन्सिटी लुमेन लाईट आणि बीमच्या वापरावरही बंदी घालण्यात आली आहे. न्यायमूर्ती गिरीश कुलकर्णी आणि न्यायमूर्ती नीला गोखले यांच्या खंडपीठाने हे निर्देश दिले आहेत.
