शुक्रवार, 6 नोव्हेंबर 2026
(Photo - X)
संजय कदम, कोरेगाव : राज्यात कोल्हापूर येथे गेली अनेक महिने सुरु असलेल्या स्वाभिमानी शेतकरी संघटनेच्या ऊस दर आंदोलनास येथील कारखानदारानी सकारात्मक प्रतिसाद दिल्याने कोल्हापूर जिल्ह्यातील ऊस उत्पादकांची दिवाळी गोड झाली. मात्र शेजारील सातारा जिल्ह्यात ऐन दिवाळीत शिमगा करण्याची वेळ ऊस उत्पादक शेकऱ्यावर आली आहे. त्यामुळे जिल्ह्यात ऊस दाराच आंदोलन सुरुच राहणार आहे. (Satara News)
कोल्हापूर मधील किनी टोल नाक्यावर ऊस दरासाठी स्वाबीमानी शेतकरी संघटनेचे नेते माजी खासदार राजु शेट्टी यांनी सलग तीन दिवस आंदोलन पुकारल होत. यामुळे कोल्हापूर पुणे राष्ट्रीय मार्ग बंद राहिला. राजु शेट्टी यांनी उसाला 4500दर मिळावा ही प्रमुख मागणी घेऊन आंदोलन तीव्र केले असताना कारखानदार आणि शेट्टी यांच्यात बैठक झाली.
यामध्ये 4200रुपये दरावर एक मत झाले आणि ही रक्कम तीन टप्यात देण्याचं मान्य करण्यात आले. याचवेळी शेजारील सातारा जिल्ह्यात व सांगली मध्ये ही अशी बैठक झाली. मात्र ही बैठक निष्फळ ठरली त्या मुळे या जिल्ह्यातील ऊस दर अद्याप जाहीर झाला नाही. मुळात हा दरच आम्हाला मान्य नाही अशी भूमिका या बैठकीत जाहीर करण्यात आली. त्या मुळे सातारा जिल्ह्यातउसाची पहिली कोंडी कोण फोडणार या कडे लक्ष लागले आहे.
साताऱ्यात स्वाभिमानी शेतकरी संघटनेचे जिल्हाध्यक्ष आणि जिल्हा परिषद सदस्य राजू शेळके यांनी नागठाणे येथे आंदोलन सुरू केलं आहे. जोपर्यंत ऊस दर जाहीर होत नाही, तोपर्यंत आंदोलन मागे घेणार नसल्याची भूमिका त्यांनी घेतली आहे.
कोल्हापुरात आंदोलनाला यश मिळाल्यानंतर आता राजू शेट्टी यांनी साताऱ्यातील ऊस दराच्या प्रश्नात लक्ष घालावं, अशी अपेक्षा शेतकरी व्यक्त करत आहेत. दिवाळीच्या काळातही ऊस उत्पादकांना दरासाठी आंदोलन करावं लागत असल्याने नाराजी वाढली आहे. आता साताऱ्यातील ऊस दराची कोंडी नेमकी कोण आणि कशी फोडणार, याकडे संपूर्ण जिल्ह्याचं लक्ष लागलं आहे.
Washim: नाकाबंदीत पोलिसांच्या जाळ्यात चोर अडकला! चोरीची दुचाकी जप्त; आणखी गुन्हे उघड होण्याची शक्यता
