दिवाळीत सिनेमागृहात होणार कल्ला, ‘भूल भुलैया 3’ आणि ‘सिंघम अगेन’ एकमेकांना देणार टक्कर!

'भूल भुलैया 3' हा चित्रपट दिवाळीत रिलीज न करता दसऱ्याच्या दिवशी रिलीज होऊ शकतो, अशा बातम्या समोर आल्या होत्या. मात्र आता हा चित्रपट दिवाळीमध्ये प्रदर्शित होणार असून, या चित्रपटाला टक्कर देण्यासाठी आणखी एक बॉलीवूड दमकेदार सिनेमा याचवेळी चित्रपटगृहात रिलीज होणार आहे. आणि हा चित्रपट दुसरा तिसरा कोणता नसून, दिग्दर्शक रोहित शेट्टीचा 'सिंघम अगेन' हा आहे.

(फोटो सौजन्य- Social Media)

Follow Us:

Follow Us:

कार्तिक आर्यनचा भूल भुलैया 3 आणि रोहित शेट्टीचा सिंघम अगेन एकमेकांना चित्रपटगृहात दिवाळीमध्ये टक्कर देणार आहे. याआधी ‘भूल भुलैया 3’ दसऱ्याच्या मुहूर्तावर रिलीज होऊ शकतो, अशा बातम्या आल्या होत्या. काही बातम्यांमध्ये असाही दावा करण्यात आला होता की निर्माते ‘सिंघम अगेन’ या चित्रपटाची तारीख पुढे ढकलू शकतात. कारण एकाच वीकेंडला दोन मोठे चित्रपट प्रदर्शित झाल्याने सर्वांचेच नुकसान होणार आहे. मात्र आता दोन्ही पक्ष मागे हटण्यास तयार नसल्याचे समोर आले आहे. तसेच या दोन्ही चित्रपटांचे शूटिंग पूर्ण झाले आहे. त्यामुळे पोस्ट-प्रॉडक्शनवर काम जोरात सुरू आहे. जेणेकरून दिवाळीपर्यंत चित्रपट तयार होऊ शकेल. आणि तो लवकरात लवकर रिलीज करता येईल.

पिंकविलामध्ये प्रसिद्ध झालेल्या वृत्तात सूत्रांच्या हवाल्याने म्हटले आहे की, ‘भूल भुलैया 3’चे शूट पूर्ण झाले आहे. कार्तिक आर्यन आणि विद्या बालनचेही काही फोटो समोर आले आहेत. हे दोघेही चित्रपटाच्या पोस्टर शूटसाठी आले होते. याशिवाय ‘भूल भुलैया 3’च्या निर्मात्यांनी एक टीझरही तयार केला आहे. जे लवकरच प्रदर्शित होणार आहे. या टीझरसह 45 दिवसांची मार्केटिंग मोहीम सुरू होणार आहे.

शिवाय सध्या बाजारात हॉरर-कॉमेडी चित्रपटांना जोरदार मागणी आहे. याचा अंदाज तुम्ही तिकीट खिडकीवरील ‘मुंज्या’ आणि ‘स्त्री 2’ च्या कामगिरीवरून लावू शकता. ‘स्त्री 2’ हा हिंदी चित्रपटसृष्टीच्या इतिहासातील सर्वात फायदेशीर चित्रपट बनण्याच्या मार्गावर आहे. अशा परिस्थितीत ‘भूल भुलैया 3’ कडूनही निर्मात्यांना मोठ्या अपेक्षा आहेत. कारण या फ्रँचायझीचे यापूर्वीचे दोन्ही चित्रपट यशस्वी ठरले आहेत. ‘भूल भुलैया 2’ हा महामारीनंतरचा पहिला यशस्वी चित्रपट ठरला होता. ज्याने देशातून 180 कोटी रुपयांहून अधिक कमाई केली होती. तसेच आता या चित्रपटात कार्तिक आर्यनसोबत तृप्ती डिमरी, विद्या बालन, माधुरी दीक्षित, राजपाल यादव आणि संजय मिश्रा हे कलाकार दिसणार आहेत. ‘भूल भुलैया 3’ या चित्रपटाचे दिग्दर्शन अनीस बज्मी यांनी केले आहे.

हे देखील वाचा- घटस्फोटाच्या चर्चेदरम्यान ऐश्वर्या राय बच्चन परतली सासरी, मुलगी आराध्यासह पोहोचली जलसा!

‘सिंघम अगेन’ चित्रपट पुढे ढकलला जाऊ शकतो अशा बातम्या येत होत्या. कारण दिवाळीपर्यंत चित्रपटाचे काम पूर्ण होणार नाही. पण आज तरण आदर्शने ट्विट केले की, ‘सिंघम अगेन’ दिवाळीलाच रिलीज होणार आहे. रिलीजची तारीख लवकरच जाहीर केली जाईल. ‘सिंघम अगेन’चे शूटिंगही पूर्ण झाले आहे. चित्रपटात भरपूर VFX काम आहे, त्यामुळे निर्माते त्यावर काम करत आहेत. ‘सिंघम अगेन’ हा त्याच्या फ्रेंचाइजीचा सर्वात मोठा चित्रपट आहे. या चित्रपटात अजय देवगणसोबत दीपिका पदुकोण, करीना कपूर, रणवीर सिंग, अक्षय कुमार, अर्जुन कपूर, जॅकी श्रॉफ आणि टायगर श्रॉफ हे कलाकार झळकणार आहेत. तसेच हा चित्रपट 250 कोटींच्या बजेटमध्ये बनवण्यात आला आहे. ‘सिंघम अगेन’चे दिग्दर्शन रोहित शेट्टीने केले आहे.

Web Title: Bhool bhulaiya 3 and singham again will clash with each other on this diwali

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com