फोटो सौजन्य : सोशल मीडिया
कतरिना कैफला कोणत्याही ओळखीची गरज नाही. तिने अनेक गाजलेल्या आणि मोठ्या चित्रपटांमध्ये काम केले आहे. ती हिंदी चित्रपटसृष्टीतील सर्वात मोठ्या अभिनेत्रींपैकी एक आहे. मात्र सध्या ती चित्रपटांपासून दूर सुट्टीचा आनंद घेत आहे. लंडननंतर ती ऑस्ट्रियामध्ये सुट्टी घालवत आहे. या प्रवासात ती सोशल मीडियाच्या माध्यमातून चाहत्यांशीही जोडली गेली आहे. अलीकडेच तिने निसर्गात दऱ्या खोऱ्यांचा आनंद लुटतानाचा एक फोटो शेअर केला आहे. आता तिने विजय सेतुपती यांच्या ‘महाराजा’ चित्रपटाचे सोशल मीडियावर कौतुक केले आहे.
विजय सेतुपती आणि कतरिना कैफ याआधी ‘मेरी ख्रिसमस’ चित्रपटात एकत्र दिसले होते. या चित्रपटातील दोघांनाही प्रेक्षकांकडून खूप पसंती मिळाली होती. या चित्रपटाचे दिग्दर्शन श्रीराम राघवन यांनी केले होते. हा थ्रिलर चित्रपट हिंदी आणि तमिळमध्ये एकाच वेळी शूट करण्यात आला आहे. हा चित्रपट 12 जानेवारी 2024 रोजी प्रदर्शित झाला होता. विजयचा नुकताच प्रदर्शित झालेला ‘महाराजा’ चित्रपट पाहिल्यानंतर आता कतरिनाने इंस्टाग्रामवर आपले विचार शेअर केले आहेत. या चित्रपटाच्या रिव्ह्यूची एक स्टोरी तिने तिच्या इंस्टाग्राम अकाउंटवर शेअर केली आहे.
‘महाराजा’ या चित्रपटात विजय सेतुपतीसोबत प्रसिद्ध बॉलिवूड दिग्दर्शक आणि अभिनेता अनुराग कश्यपही दिसला आहे. या चित्रपटाला सोशल मीडियावर प्रेक्षकांकडून भरभरून दाद मिळत आहे. आता या यादीत अभिनेत्री कतरिना कैफचेही नाव जोडले गेले आहे. तिने आपल्या इंस्टाग्रामवर एक पोस्ट शेअर करून चित्रपटाबद्दल आपले विचार मांडले आहेत. अभिनेत्रीने तिच्या इंस्टाग्राम स्टोरीवर चित्रपटाचे पोस्टर शेअर केले आणि त्याला एक “अविश्वसनीय कथा’ म्हटले. या कथेत विजय आणि अनुराग कश्यपला टॅग करत कतरिनाने लिहिले आहे. “काय चित्रपट… अविश्वसनीय कथा.”
