Neha Kakkar Birthday: ‘इंडियन आयडल २’ मध्ये झाली रिजेक्ट, ए.आर. रहमानसोबत केले काम; आता रीमिक्स गाण्याची आहे राणी!

आज बॉलीवूडची लोकप्रिय गायिका नेहा कक्कर ६ जून तिचा ३७ वा वाढदिवस साजरा करत आहे. या निमित्ताने नेहाच्या गायन कारकिर्दीशी आणि वैयक्तिक आयुष्याशी संबंधित काही खास गोष्टी जाणून घेऊयात.

(फोटो सौजन्य - Instagram)

Follow Us:

Follow Us:

आजच्या जगात नेहा कक्कर बॉलीवूडमधील लोकप्रिय गायिकांपैकी एक आहे पण तिच्यासाठी हा प्रवास सोपा नव्हता. ऋषिकेशमध्ये जन्मलेली आणि दिल्लीत वाढलेली नेहा कक्कर वयाच्या चौथ्यावर्षी माता राणीच्या जागरात गाणे गाण्यास सुरुवात केली. २००४ मध्ये ती तिचा भाऊ टोनी कक्करसोबत मुंबईत स्थलांतरित झाली. नेहा कक्करची मोठी बहीण सोनू देखील एक गायिका आहे, नेहा अनेकदा तिच्या मुलाखतींमध्ये म्हणते की तिने तिच्या बहिणीकडून संगीताबद्दल बरेच काही शिकली आहे. नेहाचा भाऊ टोनी कक्कर देखील बॉलीवूडमधील एक लोकप्रिय गायक-संगीतकार आहे. अशाप्रकारे, ही भाऊ-बहिणीची जोडी बॉलीवूडमध्ये प्रसिद्ध झाली आहे. पण नेहा कक्करने स्वतःसाठी एक वेगळे स्थान निर्माण केले आहे. गायिका नेहा कक्करच्या करिअर प्रवासाबद्दल आपण जाणून घेणार आहोत.

२००५ मध्ये नेहा कक्करने ‘इंडियन आयडल २’ मध्ये भाग घेतला होता. ऑडिशन राउंडमध्ये तिला चांगला प्रतिसाद मिळाला नाही. तरीही तिची निवड झाली पण लवकरच ती शोमधून बाहेर पडली. या नकारामुळे नेहाने हार मानली नाही, ती स्वतःवर काम करत राहिली. नंतर तिने मीत ब्रदर्सच्या सहकार्याने तिचा पहिला अल्बम ‘नेहा द रॉकस्टार (२००८)’ रिलीज केला. त्याच वर्षी तिने ‘मीराबाई नॉट आउट’ चित्रपटासाठी प्रसिद्ध गायक सुखविंदरसोबत ‘हे रामा’ नावाचे गाणे गायले.

Aankhon Ki Gustaakhiyan चित्रपटाचा टीझर प्रदर्शित, विक्रांत मेस्सी आणि शनायाची दिसली अद्भुत केमिस्ट्री

अशाप्रकारे ती बॉलीवूडची लोकप्रिय गायिका बनली
२००९ मध्ये, नेहा कक्करला अक्षय कुमारच्या ‘ब्लू’ चित्रपटातील थीम सॉंगमध्ये गाण्याची संधी मिळाली. नेहाने गायलेले हे गाणे ए.आर. रहमान यांनी संगीतबद्ध केले होते. या गाण्यानंतर नेहाने कधीही मागे वळून पाहिले नाही. नेहाने ‘कॉकटेल’, ‘यारियां’, ‘क्वीन’, ‘बद्रीनाथ की दुल्हनियां’, ‘सिम्बा’ यासारख्या अनेक हिट चित्रपटांमध्ये चार्टबस्टर गाणी गायली आहेत. ती तिच्या संगीत कॉन्सर्टमुळेही चर्चेत असते.

रीमिक्स गाण्याची राणी म्हणून नेहाने मिळवले वर्चस्व
नेहा कक्करने अनेक चित्रपटांमध्ये जुन्या गाण्यांचे रीमिक्स देखील गायले आहेत. यामुळे तिला रीमिक्सची राणी म्हणून ओळखले जाऊ लागले आहे. या टॅगबद्दल, नेहा कक्करने काही वर्षांपूर्वी तिच्या एका मुलाखतीत म्हटले होते की, ‘मी चित्रपटांसाठी ‘साकी साकी’, ‘दिलबर’ आणि ‘तू चीज बडी है मस्त’ सारखी रीमिक्स गाणी गायली आहेत. प्रेक्षकांनी या गाण्यांना खूप प्रेम दिले आहे. मला जुनी गाणी देखील आवडतात, म्हणून मी त्यांचे रीमिक्स मनापासून गाते.’ भविष्यातही नेहाला रीमिक्स करून अनेक जुनी हिट गाणी गाण्याची इच्छा आहे.

Neena Gupta यांच्या वाढदिवसाच्या रिव्हिलिंग ड्रेसने वेधले लक्ष, अभिनेत्रीला करावा लागला ट्रोलिंगचा सामना!

लव्ह लाईफही बातम्यांमध्ये राहिली
नेहा कक्कर केवळ तिच्या गायनामुळेच प्रसिद्धीझोतात राहिली नाही, तर ती तिच्या लव्ह लाईफमुळेही चर्चेत राहिली आहे. २०१४ मध्ये अभिनेता हिमांश कोहलीसोबतचे तिचे प्रेमप्रकरण चर्चेत होते. दोघांनीही लग्नाची घोषणा केली होती, त्यानंतर अचानक त्यांचे ब्रेकअप झाले. हिमांश कोहलीनंतर पंजाबी गायक रोहनप्रीत सिंग नेहाच्या आयुष्यात आला. नेहा कक्करच्या आयुष्यात पुन्हा प्रेम आले. २०२० मध्ये नेहा कक्करने रोहनप्रीतशी लग्न केले. नेहा कक्करने एका मुलाखतीत म्हटले होते की, ‘रोहन खूप गोड व्यक्ती आहे. तो कधीही काहीही चुकीचे करत नाही.’ नेहा आणि रोहनने एकत्र अनेक संगीत अल्बम देखील केले आहेत.

Web Title: Neha kakkar birthday singer career and love life known unknown facts

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com