राज बब्बर यांचा मुलगा आणि अभिनेता प्रतीक बब्बरने नुकतेच अभिनेत्री प्रिया बॅनर्जीशी लग्न केले आहे. लग्नानंतर, या जोडप्याने त्यांच्या मेहंदी समारंभाचे फोटो शेअर केले आहेत. जे आता चर्चेत आहेत. दोघेही या फोटोमध्ये खूप सुंदर आणि आनंदी दिसत आहेत. तसेच यादोघांच्या लूकने, हातावरील मेहंदीने आणि लिप-लॉकने चाहत्यांचे लक्ष वेधले आहे. प्रतीक बब्बर आणि प्रिया बॅनर्जी यांचे लग्न १४ फेब्रुवारी रोजी झाले. दोघांनीही लग्नाचे फोटो शेअर केले आणि चाहत्यांना त्यांच्या खास दिवसाची झलक दाखवली. आता या जोडप्याने त्यांच्या मेहंदी समारंभाचे फोटो सोशल मीडियावर शेअर केले आहेत.
लाल लेहेंगा, हातावरील मेहंदी आणि Liplock ने वेधले चाहत्यांचे लक्ष; प्रिया- प्रतीकच्या सुंदर फोटोवर टाका एक नजर (फोटो सौजन्य -इंस्टाग्राम)
त्यांच्या मेहंदी फंक्शनसाठी पिवळा आणि हिरवा रंग निवडण्याऐवजी, प्रतीक आणि प्रियाने लाल रंगाचे कपडे घातले आहेत. दोघेही लाल रंगात मॅचिंग करताना दिसले आणि आनंदीही दिसत आहेत.
या मेहंदी समारंभात, प्रियाने लाल स्लीव्हलेस टॉप आणि त्याला मॅचिंग लाल लेहेंगा घातला होता. तसेच अभिनेत्रीने त्याला शोभेल अशी मॅचिंग ओढणी देखील घेतली आहे.
प्रियाने या ड्रेससोबत जड कानातले आणि केसात बिंदी घातली होती. तिने केसांची वेणी बांधून तिचा लूक पूर्ण केला आणि कपाळावर लाल टिकली लावली, ज्यामध्ये ती खूप सुंदर दिसत होती.
त्याच वेळी, प्रतीक बब्बर देखील लाल रंगाच्या थ्री-पीस शेरवानीत इतरांपेक्षा कमी दिसत नव्हता. कार्यक्रमादरम्यान तो प्रिया बॅनर्जीसोबत फोटोमध्ये पोज देताना दिसला.
अनेक फोटोंमध्ये प्रिया आणि प्रतीक एकमेकांसोबत कोमलतेने वागताना दिसत होते. दोघेही लिप-लॉक करताना देखील दिसले आहेत. आता हे सगळे फोटो चर्चेत आहेत. आणि चाहत्यांचा त्याला प्रतिसाद मिळत आहे.
