दिग्दर्शन राजकुमार हिरानी (Rajkumar Hirani) आणि शाहरुख खानची (Shah Rukh Khan) जोडी पहिल्यांदाच रुपेरी पडद्यावर आली असून ‘डंकी’ (Dunki) चित्रपट गुरुवारी (31 डिसेंबर) ला रिलीज झाला. पठाण, जवान नंतर शाहरुख खानचा हा तिसरा चित्रपट प्रेक्षकांच्या भेटीस आला आहे. डंकी हा चित्रपट रिलीज होण्याआधी या चित्रपटाची प्रेक्षकांमध्ये प्रचंड क्रेझ होती. चित्रपट रिलीज झाल्यानंतर सोशल मीडियावर संमिश्र प्रतिक्रिया येताना दिसत आहे. ‘डंकी’ नं पहिल्या दिवशी संथ सुरुवात केली होती तरी आता मात्र, चित्रपट थिएटरमध्ये सातत्याने कमाई करत आहे. या भावनिक चित्रपटाला कौटुंबिक प्रेक्षकांचे भरभरून प्रेम मिळत आहे. संमिश्र प्रतिक्रिया असूनही, लोकांच्या प्रेमामुळे ‘डंकी’ने चांगली कमाई केल्याचं दिसत आहे. चित्रपटाने आपला पहिला आठवडा उत्तम कलेक्शनसह पूर्ण केला आहे.
[read_also content=”नवऱ्याने चहा मागितला, संतापलेल्या बायकोनं थेट पतीच्या डोळ्यातच खुपसली कात्री! https://www.navarashtra.com/crime/wife-stabs-scissors-in-husband-eyes-over-disputes-on-tea-nrps-493253.html”]
गेल्या गुरुवारी प्रदर्शित झालेल्या ‘डिंकी’चा एक आठवडा बुधवारी पूर्ण झाला. ट्रेड रिपोर्ट्सनुसार, चित्रपटाने 8 व्या दिवशी प्रथमच 10 कोटी रुपयांपेक्षा कमी कमाई केली आहे. या गुरुवारी चित्रपटाचे कलेक्शन 9 कोटी रुपये असल्याचा अंदाज आहे. तर गेल्या आता 8 दिवसात ‘डिंकी’चे नेट इंडिया कलेक्शन 161 कोटींच्या जवळ पोहोचले आहे.
या चित्रपटात शाहरुखने मुख्य भूमिका साकारली असून तापसी पन्नू, अनिल ग्रोव्हर, विक्रांत कोचर यांनीही या चित्रपटात त्याच्यासोबत काम केलं आहे आणि विकी कौशलने ‘डंकी’मध्ये खास भूमिका साकारली आहे, जी लोकांच्या पंसतीस उतरली आहे. चित्रपटाची कथा लोकांना आकर्षित करणारी आहे. या चित्रपटाने थिएटर्सवर वर्चस्व गाजवले आहे आणि पहिल्या आठवड्यात दमदार कमाई केली आहे.
