अभिनेता सलमान खानच्या मुंबईतील गॅलक्सी अपार्टमेंटबाहेरील गोळीबार (Salman Khan House Firing Case) प्रकरणी रोज काही ना काही नवी माहिती समोर येत आहे. काही दिवसापुर्वी अटकेत असलेल्या चौघांपैकी एका आरोपी अनुज थापनने तुरुंगात आत्महत्या केली. या प्रकरणी त्याच्या कुटुंबियांनी मुंबई उच्च न्यायालयाचं दार ठोठावलं असून आपल्या मुलाची हत्या केल्याचा आरोप त्यांनी केला आहे. आता या प्रकरणी मोठी अपडेट समोर आली आहे. या प्रकरणातील पाचव्या आरोपीला अटक करण्यात आली आहे. मुंबई गुन्हे शाखेने मंगळवारी राजस्थानमधून पाचव्या आरोपीला ताब्यात घेतलं. मोहम्मद चौधरी असं आरोपीचं नाव आहे. सूत्रांनी दिलेल्या माहितीनुसार, आरोपी चौधरीने शूटर सागर पाल आणि विकी गुप्ता या दोघांना पैसे दिले होते तसेच सलमान खानचं घर शोधण्यात मदत केली होती.
Salman Khan residence firing case | Mumbai Crime Branch arrested the 5th accused in this case from Rajasthan, the name of the arrested accused is Mohammad Chaudhary. He helped the two shooters, Sagar Pal and Vicky Gupta, provide money, and do recce. Chaudhary is being brought to…
— ANI (@ANI) May 7, 2024
१४ एप्रिल रोजी रविवारी पहाटे 5 वाजताअभिनेता सलमान खानच्याॉ मुंबईतील गॅलक्सी अपार्टमेंटबाहेर दोघांनी गोळीबार केला. या प्रकरणी सुरुवातील दोन आरोपींना गुजरातमधील भुज येथून अटक करण्यात आली. त्यानंतर दोन आरोपींना पंजाब मधून अटक करण्यात आली. त्यापैकी अनुज थापन या आरोपीने पोलिस कोठडीत आत्महत्या केली. आता त्याच्या कोठडीतील मृत्यूची सीबीआय चौकशी करण्याची मागणी करत थापनच्या कुटुंबीयांनी मुंबई उच्च न्यायालयात धाव घेतली आहे.
