सकाळच्या काही सवयी तुम्हाला वयाच्या आधीच म्हातारे बनवू शकतात, त्यामुळे वेळीच सावध राहणं अत्यंत महत्त्वाचं आहे. सकाळी उशिरा उठणं, पाणी न पिणं, किंवा चहा/कॉफीचे अति सेवन केल्याने शरीरात डिहायड्रेशन होऊ शकतं आणि त्वचेसाठी हानिकारक ठरू शकतं. याचा परिणाम आपल्या वयावर देखील होऊ शकतो. आज आपण अशाच वाईट सवयींबद्दल जाणून घेणार आहोत, ज्याचा परिणाम शरीरावर होतो.
फोटो सौैजन्य: iStock
कमी झोप: कमी झोप घेतल्यामुळे शरीराची ऊर्जा कमी होऊन त्वचेमध्ये सुरकुत्या आणि थकवा दिसू लागतो. यामुळे आपले आरोग्य देखील बिघडते.
नाश्ता न करणे: सकाळी उपाशी राहिल्यामुळे मेटाबोलिजम मंदावतो, जे शरीराच्या कार्यक्षमतेवर वाईट परिणाम करतं. म्हणूनच सकाळी नाश्ता करणे फार महत्वाचे आहे.
व्यायामाची कमी: सकाळी थोडे स्ट्रेचिंग किंवा व्यायाम न केल्याने हाडे आणि स्नायू कमकुवत होतात.म्हणूनच रोज किमान अर्धा तास तरी आपण व्यायाम करणे गरजेचे आहे.
अति कॅफीन: चहा किंवा कॉफीचे अति सेवन शरिरावर ताण आणते आणि झोपेच्या चक्रावर नकारात्मक परिणाम करतो. यामुळे आपल्या झोपेचे टाइमटेबल बदलते.
पाणी न पिणे: सकाळी पाणी न प्यायल्यामुळे शरीराची हायड्रेशन कमी होते, ज्यामुळे त्वचेवर परिणाम होतो. त्यामुळे पुरेश्या प्रमाणात पाणी पिणे महत्वाचे.
