लग्नसोहळा किंवा घरातील कोणत्याही कार्यक्रमात महिलांना कायमच सुंदर दिसायचे असते. साडीवरील लुक आणखीनच उठावदार करण्यासाठी मेकअप, हेअर स्टाईल, दागिने, मॅचिंग चप्पल इत्यादी अनेक गोष्टी केल्या जातात. बऱ्याचदा कोणत्याही कार्यक्रमासाठी नवीन साडी खरेदी केल्यानंतर त्यावर कोणत्या डिझाईनचे ब्लाऊज शिवून घ्यावे? याबद्दल महिलांच्या मनात मोठा गोंधळ होतो. कायमच त्याच ठराविक डिझाईनचे ब्लाऊज घालून कंटाळा आल्यानंतर काहींना काही नवीन प्रत्येकालाच हवे असते. अशावेळी तुम्ही हाय व्ही नेक ब्लाऊज डिझाईन नक्की ट्राय करू शकता. या डिझाईनचे ब्लाऊज कोणत्याही साडीवर अतिशय सुंदर दिसतात. (फोटो सौजन्य – pinterest)
लग्नसराईत मॉडर्न आणि स्टायलिश लुकसाठी नक्की ट्राय करा High Neck Blouse डिझाईन
शिफॉन किंवा कोणत्याही सिल्क साडीवर तुम्ही बंद गळ्याचे हाय व्ही नेक ब्लाऊज शिवून घेऊ शकता. यावर गजरा हेअर स्टाईल अतिशय सुंदर दिसेल.
सध्या सगळीकडे कांजीवरम साडीची मोठी क्रेझ आहे. या साडीवर हाय व्ही नेक ब्लाऊज शिवून त्यावर आरी किंवा डायमंड वर्क केल्यास ब्लाऊजला मॉडर्न लुक येईल.
काठपदर साडीपासून ते अगदी रोजच्या वापरातील कॉटन साड्यांवर हाय व्ही नेक ब्लाऊज शोभून दिसेल. यामुळे साडीचा साधा लुकसुद्धा मॉर्डन दिसेल.
लग्नातील नऊवारी किंवा सहावारी साड्यांवर या डिझाईनचे ब्लाऊज तुम्ही शिवून घेऊ शकता. संपूर्ण ब्लाऊज बोटनेक पॅर्टनमध्ये शिवून घेऊ शकता.
हाय व्ही नेक ब्लाऊजवर अशा पद्धतीने केलेली भरगच्च डिझाईन साडीला शोभून दिसेल. साडीच्या काठावरील रंगात आरी वर्क केल्यास ब्लाऊजला वेगळा लुक येईल.
बोट नेक ब्लाऊजवर केलेले आरी वर्क साध्या साडीला सुद्धा मॉडर्न आणि पारंपरिक लुक देते. त्यामुळे हाय व्ही नेक ब्लाऊज नक्की ट्राय करून पहा.
