अभिनेत्री सोभिता धुलिपालाच्या लग्नापूर्वीच्या विधींना झाली सुरुवात, मंगलस्नानाचे फोटो आले समोर

सोभिताने काही तासांपूर्वीच इन्स्टाग्रामवर हळदीचे फोटोज शेअर केलेले आहेत. अभिनेत्रीला तिच्या परिवारातील काही सदस्यांच्या उपस्थितीत हळद लावण्यात आली. दरम्यान अभिनेत्रीने इन्स्टाग्रामवर हे फोटो सोशल मीडियावर शेअर केले आहेत.

सोभिताने हळदीसाठी पिवळ्या रंगाची सुंदर साडी परिधान केलेली दिसत आहे. सोन्याच्या दागिन्यांसह अभिनेत्रीने तिचा लूक पूर्ण केला आहे. फोटोंमध्ये ती हळदीच्या रंगात रंगलेली दिसत आहे.

अभिनेत्रीने हळदीच्या कार्यक्रमामध्ये स्टायलिश अंदाजात कॅमेऱ्यासमोर एका पेक्षा एक हटके अंदाजात फोटो पोजेस देत खूप सुंदर फोटोशूट केले आहे. सोभिताच्या सौंदर्याचे चाहते कौतुक करीत असून तिच्या फॅशनचे कौतुक करीत आहेत.

हळदी समारंभात शोभिता हात जोडून बसलेली दिसत आहे आणि तिचे कुटुंबीय अभिनेत्रीवर पाणी ओतताना दिसत आहेत. हळदीच्या कार्यक्रमात तिच्या कुटुंबीयांसह तिचे मित्रमंडळीही उपस्थित होते.

नागा चैतन्य आणि सोभिता धुलिपाला यांनी १२ ऑगस्टला गुपचूप साखरपुडा आटोपला. साखरपुड्यानंतर काही महिन्यांनंतर हे कपल लग्नबंधनात अडकणार आहे. मीडिया रिपोर्ट्सनुसार, ४ डिसेंबर रोजी हैदराबादच्या अन्नपूर्णा स्टुडिओमध्ये नागाचैतन्य आणि सोभिता सप्तपदी घेणार आहेत.