गुरुवार, 8 ऑक्टोबर 2026
१० ऑक्टोबरच्या आंदोलनापूर्वी अभिजीत, सौरव आणि आशुतोषच्या अडचणी वाढणार? दिल्ली पोलिसांचा मोठा निर्णय
या चौकशीदरम्यान पोलीस सीजेपीचे संस्थापक अभिजीत दीपके, सीजेपीच्या वरिष्ठ नेतृत्वातील सदस्य सौरव दास आणि आशुतोष रांका यांचीही चौकशी करू केली जाण्याची शक्यता आहे. दिल्ली पोलिसांच्या गुन्हे शाखेने २० जुलै रोजी नवी दिल्लीत सीजेपीच्या आंदोलनादरम्यान झालेल्या हिंसाचाराची चौकशी सुरू केली असून, बीएनएसच्या विविध कलमांखाली गुन्हा दाखल केला आहे.
मिळालेल्या माहितीनुसार, या हिंसाचारासाठी जबाबदार असलेल्यांची भूमिका आणि हा हिंसाचार पूर्वनियोजित कट होता की गुन्हेगारी प्रवृत्तीच्या लोकांनी आंदोलनाच्या ठिकाणी घुसखोरी केली होती, याची चौकशी केली जाईल.
सूत्रांनी दिलेल्या माहितीनुसार, या तपासात पोलीस कर्मचाऱ्यांवरील कथित हल्ले, तोडफोड आणि पोलीस वाहनांसह सार्वजनिक मालमत्तेचे नुकसान या प्रकरणांचाही समावेश असेल. सर्वोच्च न्यायालयाच्या निर्देशांनुसार, दिल्ली पोलिसांनी जुलै महिन्यातील हिंसाचाराशी संबंधित १७ एफआयआर आधीच रद्द केले आहेत.
Pune Graduate Constituency : पुणे पदवीधर मतदारसंघात बहुरंगी लढत; बंडखोरी आणि अपक्ष
कॉकरोच जनता पार्टीने ज्ञानेश कुमार यांच्या विरोधात आंदोलनाची हाक दिली आहे. दिल्लीतील आंदोलनापूर्वी, सरन्यायाधीश पक्षाने महाराष्ट्रातील शिवाजी पार्क येथे ज्ञानेश कुमार यांच्या राजीनाम्याच्या मागणीसाठी आंदोलन केले होते.
अलीकडेच, सीजेपीच्या पक्षनेतृत्वाने दिल्लीत आंदोलन करण्यासाठी पोलिसांकडे परवानगी मागितली. मात्र, पोलिसांनी जंतर मंतर येथे आंदोलनासाठी किमान १० दिवस आधी परवानगी आवश्यक असल्याचे म्हटले आहे. तर सौरव, अभिजीत आणिआशुतोष यांच्यासह सीजेपीने दिल्लीतील आंदोलनासाठी आपली रणनीती आखली आहे. यापूर्वी, अभिजीत दिपके यांनीदेखील १० ऑक्टोबरच्या आंदोलनाच्या पार्श्वभूमीवर सीजेपीच्या स्वयंसेवकांना नोटिसा पाठवल्या जात असल्याचा दावा केला आहे. त्यामुळे येत्या १० तारखेला दिल्लीत काय होणार, याकडे सर्वांचे लक्ष लागले आहे.
