Supriya Sule Emotional Post for Ajit Pawar: तू अचानक येशील अन् ..;सुप्रिया सुळेंची अजित पवारांसाठी भावनिक पोस्ट

Supriya Sule Social Media Post: अजित पवारांच्या विरहाने व्याकुळ झालेल्या सुप्रिया सुळे यांनी अत्यंत भावनिक पोस्ट लिहून आपल्या वेदना व्यक्त केल्या असून, या संवेदनशील संदेशाची सध्या राजकीय वर्तुळातही जोरदार चर्चा सुरू झाली आहे.

• रक्षाबंधनानिमित्त खासदार सुप्रिया सुळे यांची अजित पवारांच्या आठवणीत अत्यंत भावनिक पोस्ट
• अजित पवारांच्या अचानक निघून जाण्याने निर्माण झालेली पोकळी कधीही न भरून निघणारी असल्याचे प्रतिपादन
• बालपणातील भांडणे, प्रेम आणि एकमेकांबद्दलचा अभिमान हाच नात्याचा पाया असल्याचे नमूद

Supriya Sule Emotional Post for Ajit Pawar:  राज्याच्या राजकारणात खासदार सुप्रिया सुळे (Supriya Sule) आणि दिवंगत अजित पवार यांचे नातं कायम चर्चेत राहिलं आहे. आज (28 ऑगस्ट) रक्षाबंधनानिमित्त भाऊ-बहिणीच्या नात्यातील जुन्या आठवणींना उजाळा देताना सुप्रिया सुळे यांनी अजित पवारांसोबतचा एक खास फोटो शेअर केला आहे. सुप्रिया सुळे यांनी अजित पवारांची आठवणीत सोशल मीडियावर भावनिक पोस्ट केली. या पोस्टमधून त्यांनी अजित पवारांसोबतच्या जुन्या आठवणींना उजाळा दिला असून, त्यांच्या संदेशाची राजकीय वर्तुळातही चर्चा सुरू झाली आहे.

Sugar Black Marketing: साखरेचा काळाबाजार! ४०० टनांपेक्षा जास्त साठ्यावर नजर, राज्यभरात तपासणी सुरु

काय म्हटलं आहे, सुप्रिया सुळे यांनी सोशल मीडिया पोस्टमध्ये

प्रिय दादा,
आज राखीपौर्णिमा… पण यावेळी तू सोबत नाहीस, ही जाणीव मनाला खूप अस्वस्थ करत आहे. सात महिन्यांपूर्वीची ती भीषण सकाळ आणि तुझं अचानक निघून जाणं… यावर आजही विश्वास बसत नाही.

लहानपणापासून एकत्र वाढताना आपली भांडणं, एकमेकांवरचं प्रेम आणि एकमेकांविषयीचा अभिमान हाच आपल्या नात्याचा पाया होता. आजही वाटतं, तू कुठूनतरी अचानक येशील, राखी बांधून घेशील, बहिणींसोबत गप्पागोष्टी करत पुन्हा कुटुंबात रमून जाशील…तुझ्या नसण्याने निर्माण झालेली पोकळी कधीच भरून निघणारी नाही. तू जिथे असशील, तिथून तुझं प्रेम आणि आशीर्वाद असेच सदैव पाठीशी राहू दे! ❤️

Sakshee Gandhi: ‘लज्जा से मरे रे…’, कलमकारी साडीत ‘इंदुराणी’ साक्षी गांधीचा कातिल लुक

अजित पवार यांचे विमान अपघातात निधन

राज्याचे उपमुख्यमंत्री अजित पवार (Ajit Pawar)  यांचे 28 जानेवारी 2026 रोजी विमान अपघातात निधन झाले. मुंबईहून बारामतीकडे जाणारे लियरजेट ४५ (Learjet 45) हे चार्टर विमान बारामती विमानतळावर उतरत असताना अपघातग्रस्त झाले. या अपघतात अजित पवार यांच्यासह दोन वैमानिक आणि सुरक्षा कर्मचाऱ्यां, अशा एकूण पाचही जणांचा जागीच मृत्यू झाला. खराब हवामान, कमी दृश्यमानता (लो व्हिजिबिलिटी) आणि दाट धुक्यामुळे हा अपघात घडल्याचे समोर आले.

प्रिय दादा, आज राखीपौर्णिमा… पण यावेळी तू सोबत नाहीस, ही जाणीव मनाला खूप अस्वस्थ करत आहे. सात महिन्यांपूर्वीची ती भीषण सकाळ आणि तुझं अचानक निघून जाणं… यावर आजही विश्वास बसत नाही. लहानपणापासून एकत्र वाढताना आपली भांडणं, एकमेकांवरचं प्रेम आणि एकमेकांविषयीचा अभिमान हाच आपल्या… pic.twitter.com/rlyUMuslMt — Supriya Sule (@supriya_sule) August 28, 2026