सोमवार, 21 सप्टेंबर 2026
राज ठाकरेंवर रील केली अन् महेश मोटेला 'मनसे'वाल्यांनी काळं फासलं (Photo - Social Media)
पुण्यात सोशल मीडिया इन्फ्लुएन्सर महेश मोटे सध्या एका वादामुळे चांगलाच चर्चेत आला आहे. मनसे अध्यक्ष राज ठाकरे यांच्याबद्दल कथित आक्षेपार्ह आणि वैयक्तिक टिप्पणी केल्याचा आरोप त्याच्यावर करण्यात आला आहे. या वादातून मनसे कार्यकर्त्यांनी महेश मोटेला पकडून हडपसरमधील मनसे संपर्क कार्यालयात नेल्याचा दावा केला जात आहे. त्यानंतर घडलेल्या प्रकाराचा व्हिडीओ सोशल मीडियावर तुफान व्हायरल झाला आहे.
व्हायरल व्हिडीओमध्ये महेश मोटेच्या चेहऱ्यावर काळी शाई लावलेली दिसत आहे. त्याला राज ठाकरेंच्या फोटोसमोर खाली वाकून नमस्कार करण्यास सांगितल्याचंही दिसतं. एवढंच नाही, तर डोक्यावर चप्पल ठेवून उठाबशा काढतानाचा व्हिडीओही समोर आला आहे. त्यानंतर त्याच्याकडून माफी मागतानाचा व्हिडीओ रेकॉर्ड करण्यात आल्याचं वृत्त आहे.
FACE SMEARED WITH INK. SLIPPERS HELD ON HEAD. FORCED APOLOGY. AN INFLUENCER IN TEARS. How dare he post a video on MNS chief @RajThackeray! That too, in a democracy! I didn’t use the words ‘assault & humiliation’. Let’s leave it to Mr. Thackeray’s wise discretion. pic.twitter.com/Q77JCP0mLs — Nidhi Sharma (@NidhiPoV) September 21, 2026
महेश मोटेने या व्हिडीओमध्ये राज ठाकरे आणि मनसे पदाधिकाऱ्यांबद्दल केलेल्या वक्तव्याबद्दल दिलगिरी व्यक्त केली. या रीलमुळे आपल्याकडून चूक झाली असून त्याबद्दल पश्चात्ताप होत असल्याचं त्याने म्हटलं.
राज ठाकरे मुख्यमंत्री होणार? भरत गोगावले यांची पहिली प्रतिक्रिया, म्हणाले; CM होण्यासाठी त्यांनी…
मनसे पदाधिकाऱ्यांनी महेश मोटेच्या रीलवर आक्षेप घेतला आहे. मनसेच्या स्थानिक नेत्यांच्या म्हणण्यानुसार, राज ठाकरेंवर टीका करण्याचा अधिकार असला तरी वैयक्तिक आणि आक्षेपार्ह टिप्पणी सहन केली जाणार नाही, अशी भूमिका त्यांनी घेतली.
या प्रकरणावर मनसेच्या हडपसर विभागाचे पदाधिकारी शुभम जगदाळे यांनीही प्रतिक्रिया दिली आहे. मोटेने राज ठाकरेंविरोधात आक्षेपार्ह भाषा वापरल्याचा आरोप त्यांनी केला. या घटनेला त्यांनी ‘मनसे स्टाइल’ असा उल्लेख केल्याचंही वृत्त आहे.
गृह राज्यमंत्री योगेश कदम याबाबत प्रतिक्रिया देत म्हणाले, “जर काही आक्षेपार्ह बोलले किंवा दाखवले गेले असेल, तर कायद्यानुसार अधिकृत तक्रार नोंदवायला हवी होती आणि पोलीस विभागाने योग्य ती कायदेशीर कारवाई केली असती. मात्र, जर कोणी कायदा हातात घेऊन नुकसान केले असेल, तर आम्ही त्या बाबीचीही चौकशी करू आणि सर्व आवश्यक तपशील गोळा करू.”
Mumbai, Maharashtra: On MNS workers allegedly assaulting a social media influencer for mocking party chief Raj Thackeray, Minister of State for Home Yogesh Kadam says, “If anything objectionable was stated or displayed, a formal complaint should have been lodged in accordance… pic.twitter.com/WmbhtpLKaQ — IANS (@ians_india) September 21, 2026
दरम्यान, या संपूर्ण प्रकरणाचा व्हिडीओ सोशल मीडियावर मोठ्या प्रमाणात शेअर होत आहे. मात्र, या घटनेप्रकरणी पोलिसांत तक्रार दाखल झाल्याची माहिती अद्याप समोर आलेली नाही. त्यामुळे आता या प्रकरणावर पोलिसांकडून काय कारवाई होते, याकडे लक्ष लागलं आहे.
‘राज ठाकरे मुख्यमंत्री व्हावेत,’ अमित ठाकरेंचं गणरायाकडे साकडं, ‘मला माहितीये तो माणूस…’
