Abhijeet Dipke on Saurav Das: ‘सौरव, आता तुझी वेळ येणार!’; अभिजीत दीपकेंचा सहकाऱ्याला गमतीशीर इशारा

Abhijeet Dipke: सध्या दीपके या मोहिमेअंतर्गत जिल्हा परिषदेच्या (ZP) शाळांमधील विद्यार्थ्यांच्या बिकट समस्यांकडे आणि शिक्षणाच्या दर्जाकडे सरकारचे लक्ष वेधून घेत आहेत. याच पार्श्वभूमीवर एका वृत्त वाहिनीला दिलेल्या मुलाखतीत त्यांनी आपल्या सहकाऱ्यांबद्दलचा एक रंजक किस्सा शेअर केला.

• कॉकरोच जनता पार्टीचे संस्थापक अभिजीत दीपके ‘स्कूल ठीक करो’ मोहिमेमुळे देशभरात चर्चेत.
• आशुतोष रांका आणि सौरव दास या सहकाऱ्यांसह जिल्हा परिषदेच्या शाळांच्या मुद्द्यांवर सरकारला घेरले.
• मुलाखतीत सौरव दासला मारहाणीचा किस्सा सांगत दीपके यांनी दिला गमतीशीर सूचक इशारा.

Abhijeet Dipke CJP: कॉकरोच जनता पार्टीच्या अभूतपूर्व आंदोलनानंतर सीजेपीचे संस्थापक अभिजीत दीपके सातत्याने चर्चेत आहेत. जंतरमंतरवरील आंदोलन आणि त्यानंतर आता सुरू करण्यात आलेली स्कूल ठिक करो मोहिमेमुळे देशभरात अभिजीत दिपकेंसह त्यांच्या इतर दोन सहकारी आशुतोष रांका आणि सौरव दास चर्चेचा विषय बनले आहेत. अभिजीत दिपके सध्या स्कूल ठिक करो मोहिमेअंतर्गत ते जिल्हा परिषदेच्या शाळेत जे विद्यार्थी शिकतात त्यांना उदभवणाऱ्या समस्यांकडे सरकारचे लक्ष वेधताना दिसत आहेत. या सर्व घडामोडींच्या पार्श्वभूमीवर नुकतीच अभिजीत दिपके यांनी एका वृत्त वाहिनीला एक मुलाखत दिली.

या मुलाखतीत अभिजीत दिपके यांनी त्यांचे सहकारी सौरव दासबद्दल एक किस्सा सांगितला आहे. मुलाखतीवेळी बोलताना अभिजीत दिपके म्हणतात की, “आम्ही मार खाऊनही उभारी घेणारे लोक आहोत. जयपूरमध्ये मला मारहाण झाली, गेल्या आठवड्यात आशुतोष रांकाला मारहाण झाली. आता फक्त सौरव उरला आहे. सौरव तुझी पण वेळ येणार आहे.” असा गंमतीशीर शब्दांत अभिजीत दिपके यांनी सौरव दास यांना सूचक इशारा दिला आहे.

सुप्रिया सुळेंबाबतचं ‘ते’ वक्तव्य विजय वडेट्टीवारांनी घेतलं मागे; म्हणाले, ‘अनावधानाने उल्लेख झाला…’

जयपूरमध्ये अभिजीत दीपके यांच्यावर हल्ला

अभिजीत दिपके अमेरिकेतून भारतात दाखल झाल्यानंतर वेगवेगळ्या राज्यात दौऱ्यावर होते. जूनमध्ये राजस्थानमधील जयपूर येथे एका आंदोलनादरम्यान अभिजीत दीपके यांच्यावर हल्ला झाला होता. दीपके जयपूरमध्ये जमलेल्या आंदोलकांना संबोधित करण्यासाठी जात असताना, त्यांच्या एका समर्थकाने त्यांना खांद्यावर उचलले. यावेळी जमावातील एका व्यक्तीने त्यांना थप्पड मारली आणि खाली खेचण्याचा प्रयत्न केला. या घटनेचा एक व्हिडिओ देखील समोर आला आहे. या हल्ल्यामागे आरएसएसशी संबंधित काही लोक असल्याचा आरोप दीपके यांनी केला. विद्यार्थ्यांनी उपस्थित केलेल्या मुद्द्यांवरून लक्ष विचलित करण्याचा हा एक प्रयत्न असल्याचा दावा त्यांनी केला.

Amit Thackeray : ‘अमित साटम यांना भुंकायलाच ठेवलंय, तेच काम उत्तम करत आहेत,’ अमित ठाकरे यांची जहरी टीका

आशुतोष रांका यांच्यावर जमावाकडून हल्ला

तर चार दिवसांपूर्वीच राजस्थानमध्ये सीजेपीचे सह-संयोजक आशुतोष रांका आणि काही कार्यकर्त्यांवर हल्ला झाला. रांका आणि सीजेपीचे कार्यकर्ते जयपूरच्या बागरू विधानसभा मतदारसंघातील एका सरकारी शाळेची पाहणी करण्यासाठी जात असताना त्यांच्यावर हल्ला झाला. रांका यांनी सांगितले की, या हल्ल्यात सीजेपीच्या एका कार्यकर्त्याचा हात फ्रॅक्चर झाला आहे. रांका यांनी या घटनेत भाजप कार्यकर्त्यांचा सहभाग असल्याचा आरोप केला होता.

या घटनांच्या आधारे, न्यूज 24ला दिलेल्या मुलाखतीत दीपके गंमतीने सौरव दास यांना, आता फक्त दासच उरले आहेत आणि त्यांचाही नंबर लागणार आहे, असा गंमतीशीर इशारा दिला आहे.