रविवार, 25 ऑक्टोबर 2026
राष्ट्रवादी काँग्रेस अर्थखात्यासाठी आक्रमक
मनोज जरांगे पाटील यांनी ऑडिओ क्लिपचा बॉम्ब फोडल्यानंतर राज्याच्या राजकारणात एकाच खळबळ उडाली आहे. त्यातही महायुतीमधील मित्रपक्षच आपापसांत भिडू लागले आहेत. 500 कोटीच्या ऑडिओ क्लीपनंतर भाजप आणि शिवसेना शिंदे गटातील धुसफूस बाहेर पडताना दिसत असून दोन्ही पक्षातील नेते एकमेकांवर टीकाटिपण्या करू लागली आहे. अश्यातच भाजपची डोकेदुखी आणखी वाढण्याची शक्यता आहे. कारण आता राष्ट्र्वादी अजित पवार गटानेही भाजपविरुद्ध आक्रमक भूमिका घेतली आहे. (NCP Ajit Pawar)
उपमुख्यमंत्री अजित पवार यांच्या निधनानंतर त्यांच्याजवळील अर्थमंत्रीपद मुख्यमंत्री देवेंद्र फडणवीस यांनी स्वतःकडे ठेवले होते. याबाबतच आता राष्ट्रवादी अजित पवार गट आक्रमक झाला असून अर्थखातं परत मिळवण्यासाठी राष्ट्रवादीच्या महत्वाच्या नेत्यांनी फडणवीसांची भेट घेतली आहे.
सुनेत्रा पवार यांनी उपमुख्यमंत्रीपदाची जबाबदारी स्वीकारल्यानंतर आता अर्थखातंही राष्ट्रवादीकडे परत यावं, अशी पक्षाची भूमिका असल्याचं समोर आलं आहे.
आरोप-प्रत्यारोप बंद करा, शेतकऱ्यांच्या मदतीला जा! एकनाथ शिंदेंचे शिवसेना नेत्यांना आदेश
मुख्यमंत्र्यांच्या भेटीनंतर छगन भुजबळ यांनी याबाबत आपली भूमिका स्पष्ट केली. सुनेत्रा पवार या आमच्या उपमुख्यमंत्री आहेत आणि अर्थखातं आम्हाला परत मिळायला हवं, असं त्यांनी सांगितलं. हे खातं आमचं हक्काचं असून, ते परत देण्याबाबत मुख्यमंत्र्यांनी सकारात्मकता दाखवल्याचंही भुजबळ म्हणाले.
अर्थखात्याच्या मागणीवर बोलताना भुजबळांनी केंद्रीय गृहमंत्री अमित शाह यांनी मुख्यमंत्री फडणवीस यांना निर्णय घेण्याचं स्वातंत्र्य दिल्याचा दावा केला. त्यामुळे या विषयावर सकारात्मक निर्णय होईल, अशी अपेक्षा त्यांनी व्यक्त केली.
तसंच, काँग्रेससोबत असतानाही खातेवाटपात अशा प्रकारचे बदल झाले होते आणि एका खात्याऐवजी दुसरं खातं मिळाल्याची उदाहरणं असल्याचं त्यांनी सांगितलं. हिवाळी अधिवेशनापूर्वी अर्थखात्याबाबत निर्णय होऊ शकतो, अशी आशाही त्यांनी व्यक्त केली.
दरम्यान, दोन्ही राष्ट्रवादी काँग्रेस पक्ष एकत्र येणार असल्याच्या चर्चाही रंगू लागल्या आहेत. मात्र, विलीनीकरणाबाबत कोणतीही चर्चा झाली नसल्याचं छगन भुजबळ यांनी स्पष्ट केलं. इतर खात्यांची अदलाबदल होणार नसल्याचंही त्यांनी सांगितलं.
आता राष्ट्रवादीच्या या मागणीवर मुख्यमंत्री देवेंद्र फडणवीस नेमकी काय भूमिका घेतात, याकडे सगळ्यांचं लक्ष लागलं आहे. अर्थखातं पुन्हा राष्ट्रवादीकडे जाणार की फडणवीस हे खातं स्वतःकडेच ठेवणार, याचं उत्तर आगामी काळात स्पष्ट होईल.
Ans: अजित पवार यांच्याकडे पूर्वी अर्थखातं होतं. त्यांच्या निधनानंतर हे खातं मुख्यमंत्री देवेंद्र फडणवीस यांच्याकडे आहे. आता हे खातं पुन्हा राष्ट्रवादीकडे देण्यात यावं, अशी पक्षाची मागणी असल्याचं छगन भुजबळ यांनी सांगितलं.
Ans: अर्थखातं हे राष्ट्रवादीचं हक्काचं खातं असून, ते परत मिळायला हवं, असं भुजबळ म्हणाले. मुख्यमंत्र्यांनी सकारात्मकता दाखवल्याचं सांगत त्यांनी हिवाळी अधिवेशनापूर्वी निर्णय होण्याची आशा व्यक्त केली.
Ans: विलीनीकरणाबाबत कोणतीही चर्चा झाली नसल्याचं छगन भुजबळ यांनी स्पष्ट केलं.
