शनिवार, 24 ऑक्टोबर 2026
photo- social media
राज्याच्या राजकारणात सध्या मोठ्या प्रमाणात धुसफूस पाहायला मिळत आहे. मनोज जरांगे पाटील यांनी फोडलेल्या ऑडिओ बॉम्बनंतर महायुतीतील अंतर्गत वाद चव्हाट्यावर आला आहे. शिवसेना शिंदे गट आणि भाजपमधील नेते एकमेकांवर राजकीय कुरघोड्या करत असून आरोप – प्रत्यारोपांच्या फैरी झाडात आहेत. अश्यातच आता शिवसेना शिंदे गटाचे आमदार संजय गायकवाड यांनी पुन्हा भाजपवर सडकून टीका केली आहे. (Sanjay Gaikwad)
संजय गायकवाड यांनी भाजप नेत्यांना सुनावत ‘एकनाथ शिंदे यांनी उठाव केला नसता तर भाजपचे 106 आमदार घरी बसले असते,’ असे विधान केले आहे. त्यांच्या या विधानाने महायुतीमधील वादात अजून ठिणगी पडली आहे. आधीच शिवसेना नेते रामदास कदम यांनी भाजपवर केलेल्या आरोपांमुळे आणि भाजप आमदार प्रवीण दरेकर यांनी दिलेल्या प्रत्युत्तरामुळे महायुतीत गरमागरमीचे वातावरण आहे. त्यातच आता संजय गायकवाडांच्या विधानानेदेखील मोठा वाद निर्माण व्हायची शक्यता आहे.
भाजप नेते प्रवीण दरेकर यांच्या वक्तव्यावर प्रतिक्रिया देताना संजय गायकवाड यांनी शिंदेंच्या नेतृत्वाची बाजू मांडली. महाराष्ट्रात महायुतीला मिळालेल्या यशामागे एकनाथ शिंदे यांचा चेहरा महत्त्वाचा होता, असा दावा त्यांनी केला. भाजपकडे 106 आमदार असतानाही शिंदेंच्या बंडामुळेच सत्तेचं राजकीय समीकरण बदललं, असं गायकवाड म्हणाले.
‘माझ्यापर्यंत पैसे आलेच नाहीत!’ 500 कोटींच्या दाव्यावर Shrikant Shinde यांचा मिश्किल टोला
त्यामुळे भाजपच्या नेत्यांनी बोलताना आधी विचार करावा आणि वरिष्ठांशी चर्चा करावी, असा सल्लाही त्यांनी दिला. शिवसेनेचा आवाज कोणीही दाबू शकत नाही, असं सांगत त्यांनी पक्षाची भूमिका ठामपणे मांडली.
रामदास कदम यांनी नेमकं काय चुकीचं बोललं, असा सवालही संजय गायकवाड यांनी उपस्थित केला. संबंधित ऑडिओ क्लिपमध्ये भाजपच्या आमदारांचा आणि कार्यकर्त्यांचा आवाज असल्याचा दावा त्यांनी केला. या प्रकरणात इतरांवर आरोप करण्याआधी संबंधितांनी आत्मपरीक्षण करावं, असंही ते म्हणाले.
मनोज जरांगे पाटील आणि एकनाथ शिंदे यांना एकमेकांपासून दूर करण्याचा प्रयत्न होत असल्याचा संशय गायकवाड यांनी व्यक्त केला. मराठा समाजाला आरक्षण देण्याच्या निर्णयात एकनाथ शिंदेंची भूमिका महत्त्वाची असल्याचं सांगत त्यांनी त्यांच्या नेतृत्वाचं समर्थन केलं.
एकनाथ शिंदे शांत आणि संयमी असले, तरी शिवसेनेच्या बाजूने आम्ही उत्तर देऊ, अशी भूमिका गायकवाड यांनी मांडली. त्यांच्या या वक्तव्यामुळे भाजप आणि शिंदेसेनेतील मतभेद पुन्हा चर्चेत आले आहेत. आता या आरोपांवर भाजपकडून काय प्रतिक्रिया येते आणि महायुतीचे वरिष्ठ नेते या वादात हस्तक्षेप करतात का, याकडे राजकीय वर्तुळाचं लक्ष लागलं आहे.
मुख्यमंत्री- उपमुख्यमंत्र्यांचे माणसे माझ्यावर हल्ल्याच्या तयारीत…; जरांगे पाटलांचा आरोप
Ans: रामदास कदम यांच्या वक्तव्यानंतर भाजप आणि शिंदेसेनेत सुरू झालेल्या आरोप-प्रत्यारोपांवर प्रतिक्रिया देताना संजय गायकवाड यांनी भाजपवर टीका केली.
Ans: एकनाथ शिंदेंनी उठाव केला नसता, तर भाजपचे 106 आमदार असूनही ते घरी बसले असते, असं विधान संजय गायकवाड यांनी केलं.
Ans: रामदास कदम यांच्या वक्तव्यावरून भाजप आणि शिंदेसेनेमध्ये मतभेद समोर आले आहेत. एकनाथ शिंदेंचं नेतृत्व, मनोज जरांगे पाटील यांच्याशी संबंधित राजकीय आरोप आणि मराठा आरक्षणासारखे मुद्देही या चर्चेत आले आहेत.
