बुधवार, 21 ऑक्टोबर 2026
फोटो सौजन्य- सोशल मीडिया
भगवान दत्तात्रेयांचे हिंदू धर्मात महत्त्वाचे स्थान आहे. श्रीमद भागवतासह अनेक ग्रंथांमध्ये त्यांचे वर्णन आहे.काही धार्मिक ग्रंथांमध्ये त्यांचे वर्णन ब्रह्मा, विष्णू आणि शिव यांचे संयुक्त अवतार म्हणून केले आहे, तर काही ग्रंथांमध्ये त्यांचे वर्णन केवळ भगवान विष्णू असे केले आहे. देशात भगवान दत्तात्रेयांची अनेक मंदिरे आहेत.
दत्तात्रेय जयंती हा हिंदू धर्मातील सर्वात शुभ दिवसांपैकी एक मानला जातो. हा दिवस भगवान दत्तात्रेयांना समर्पित आहे. दरवर्षी हा उत्सव मार्गशीर्ष महिन्यातील पौर्णिमेला साजरा केला जातो. असे मानले जाते की, या शुभ दिवशी भगवान दत्तात्रेयांचा जन्म झाला होता, ज्याला दत्त जयंतीदेखील म्हणतात. यावर्षी हा उत्सव शनिवार 14 डिसेंबर रोजी साजरा केला जाईल. असे मानले जाते की, जे लोक हे व्रत करतात त्यांच्या सर्व मनोकामना पूर्ण होतात. तसेच भगवान दत्तात्रेयांचा आशीर्वाद प्राप्त होतो.
पंचांगानुसार, मार्गशीर्ष महिन्याची पौर्णिमा शनिवार, 14 डिसेंबर रोजी दुपारी 4:58 वाजता सुरू होईल. त्याचवेळी, ही तारीख 15 डिसेंबर रोजी दुपारी 2:31 वाजता संपेल. कॅलेंडर पाहता, यावर्षी दत्तात्रेय जयंती शनिवार, 14 डिसेंबर रोजी साजरी केली जाईल.
स्वप्नशास्त्र संबंधित बातम्या वाचण्यासाठी इथे क्लिक करा
दत्तात्रेय जयंतीला सकाळी लवकर उठून पवित्र स्नान करावे. पूजेची खोली स्वच्छ करा. भगवान दत्तात्रेयांची मूर्ती पीठावर स्थापित करा. त्यांना गंगाजलाने स्नान घालावे. पांढऱ्या चंदनाचा तिलक लावावा. त्यांना फुले, हार आणि मिठाई इत्यादी अर्पण करा. तर, ज्यांच्याकडे दत्तात्रेयजींची मूर्ती नाही, ते भगवान विष्णूची मूर्ती स्थापित करू शकतात, कारण काही लोकांचा विश्वास आहे की ते भगवान विष्णूचे अवतार होते, म्हणून भक्त भगवान विष्णूच्या मूर्तीची पूजा करू शकतात.
तसेच जे भक्त या दिवशी व्रत करतात त्यांनी त्यांना तुळशीची पाने आणि पंचामृत अर्पण करावे. तसेच शेवटी आरती करावी. या दिवशी चुकूनही तामसिक गोष्टींचा वापर करू नका. पूजेत झालेल्या चुकांची माफी मागावी. गरजूंना काहीतरी दान करा.
रत्न शास्त्र संबंधित बातम्या वाचण्यासाठी इथे क्लिक करा
शास्त्रानुसार दत्तात्रेय जयंतीचे विशेष महत्त्व आहे. त्यांच्या वडिलांचे नाव महर्षी अत्री आणि आईचे नाव अनुसूया होते. धार्मिक मान्यतेनुसार भगवान दत्तात्रेयांची पूजा केल्याने सुख-समृद्धी मिळते. यासोबतच या दिवशी गंगास्नान करून दान केल्याने माणसाचे सर्व संकट नष्ट होऊन पुण्य प्राप्त होते.
ॐ द्रांदत्तात्रेयाय नम:।।
दिगंबरा-दिगंबरा श्रीपाद वल्लभ दिगंबरा।।
ऊं ह्रीं विद्दुत जिव्हाय माणिक्यरुपिणे स्वाहा।।
ॐ दिगंबराय विद्महे योगीश्रारय् धीमही तन्नो दत: प्रचोदयात।।
(टीपः धर्म, ज्योतिष, वास्तू, फेंगशुई इत्यादी विषयांवरील लेख/ बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navrashtra या तथ्यांची पुष्टी करु शकत नाही)
