सोमवार, 19 ऑक्टोबर 2026
फोटो सौजन्य- istock
रत्नशास्त्र हा ज्योतिषशास्त्राचा भाग मानला जातो. त्यानुसार योग्य पद्धतीने रत्न धारण केल्याने व्यक्तीच्या सर्व समस्या दूर होतात. व्यक्तीच्या कुंडली आणि राशीनुसार रत्न धारण करणे शुभ मानले जाते. परंतु, रत्न नेहमी विश्वासार्ह ज्योतिषाच्या सल्ल्याने धारण केले पाहिजे, तरच त्याचे फायदे मिळू शकतात.
रत्नशास्त्रामध्ये, एखाद्या व्यक्तीच्या जवळजवळ प्रत्येक समस्येसाठी काही किंवा दुसरे रत्न सांगितले गेले आहे. पण रत्न धारण करण्याचे काही नियमदेखील सांगितले आहेत, जे लक्षात ठेवणे आवश्यक आहे, अन्यथा त्याच्या फायद्यांऐवजी वाईट परिणाम मिळू शकतात. अशा परिस्थितीत रत्न कधी धारण करावे आणि त्याचे नियम काय आहेत हे जाणून घेऊया?
रत्न धारण करण्याचे महत्त्व
ज्योतिषशास्त्रानुसार, प्रत्येक रत्न एखाद्या ग्रहाशी संबंधित असते, अशा स्थितीत त्या ग्रहाचे रत्न धारण करणे म्हणजे त्या ग्रहाला ऊर्जा देणे होय. ज्योतिषशास्त्राच्या सल्ल्यानुसार रत्न धारण केल्यास ग्रह-नक्षत्र इत्यादी दोषांपासून मुक्ती मिळते. याशिवाय नकारात्मक ऊर्जाही दूर राहते. सुखी वैवाहिक जीवन आणि नोकरीत बढतीसाठी लोक रत्नही घालतात. हे रत्न धारण केल्याने साधक जीवनातील अनेक मोठ्या समस्यांपासून मुक्त होऊ शकतो.
रत्न धारण करण्याचे नियम
रत्नशास्त्रानुसार, रत्न नेहमी सकाळी धारण केले पाहिजे. हे रत्न नेहमी सकाळी धारण करावे, रात्री किंवा संध्याकाळी नाही, अन्यथा त्याचे शुभ परिणाम मिळत नाहीत. यासोबतच अमावस्या किंवा ग्रहणाच्या दिवशीही नवीन रत्न धारण करण्यास मनाई आहे.
या गोष्टीही लक्षात ठेवा
एकदा रत्न धारण केल्यानंतर ते पुन्हा पु्न्हा काढू नये अन्यथा त्याचा प्रभाव कमी होऊ लागतो. तुटलेले रत्न कधीही घालू नये किंवा ज्याचा मूळ रंग बदलला असेल असे रत्न कधीही घालू नये. हेदेखील लक्षात ठेवा की, इतर कोणाचे रत्न घालू नका किंवा कोणालाही आपले रत्न घालू देऊ नका. जेव्हा तुम्ही रत्न धारण करता तेव्हा हे लक्षात ठेवा की, रत्न तुमच्या त्वचेला स्पर्श करत असावे, तरच तुम्हाला त्याचे फायदे मिळू शकतात.
