Marathi News »
Religion »
June 2025 Festival List Of Festivals Fasts Planetary Transits

June Festival: जून महिन्यात येणारे सण उपवास, ग्रहांचे संक्रमणाची यादी जाणून घेऊया

जून महिना धार्मिक दृष्टिकोनातून खूप खास आहे. ज्येष्ठ आणि आषाढ महिन्यांच्या संयोगामुळे अनेक सण या महिन्यात साजरे केले जातात. जाणून घ्या जून महिन्यातील सणांची यादी

By प्राजक्ता प्रधान

Updated On: Jun 01, 2025 | 07:05 AM

फोटो सौजन्य- pinterest

जून महिन्यात अनेक सण आणि उपवास येणार आहे. जूनचा महिना हा धार्मिक दृष्टिकोनातून खूप खास आहे. या महिन्यात गंगा दसऱ्यापासून जगन्नाथ रथयात्रेपर्यंत अनेक उपवास आणि सण येतील. तसेच या महिन्यात निर्जला एकादशी आणि योगिनी एकादशी देखील साजरी होणार आहे. यासोबतच जूनमध्ये संकष्टी चतुर्थी, ज्येष्ठ पौर्णिमा आणि आषाढ अमावस्या देखील साजरी केली जाणार आहे.

यंदा जूनमध्ये ज्येष्ठ आणि आषाढ महिन्यांचे मिश्रण आहे, जे या महिन्यातील सणांना आणखी खास बनवते. यावेळी गंगा दसरा, निर्जला एकादशी, वट पौर्णिमा, गुप्त नवरात्री आणि जगन्नाथ रथयात्रा यांसारखे अनेक प्रमुख उपवास आणि उत्सव साजरे केले जाणार आहे. जून महिन्यातील सणांची यादी जाणून घ्या

सणांची यादी

बुधवार, 4 जून महेश नवमी

ज्येष्ठ महिन्याच्या शुक्ल पक्षाच्या नवमी तिथीला महेश नवमी साजरी केली जाते. या दिवशी भगवान शिव आणि माता पार्वतीची पूजा करण्याची परंपरा आहे.

Chandra Gochar: चंद्र करणार सिंह राशीत संक्रमण, या राशीच्या लोकांना मिळेल आनंदाची बातमी

गुरुवार, 5 जून गंगा दशहरा

ज्येष्ठ महिन्याच्या शुक्ल पक्षाच्या दशमी तिथीला गंगा दशहरा साजरा केला जातो. गंगा दशहराच्या दिवशी गंगा नदीत स्नान करणे आणि दान करणे याला खूप महत्त्व आहे. या दिवशी गंगा स्नान केल्याने सर्व प्रकारच्या पापांपासून मुक्ती मिळते.

शुक्रवार, 6 जून निर्जला एकादशी

शुक्रवार, 6 जून रोजी निर्जला एकादशीचे व्रत केले जाणार आहे. निर्जला एकादशी ही सर्वोत्तम मानली जाते.

रविवार, 8 जून प्रदोष व्रत

ज्येष्ठ महिन्यातील शुक्ल पक्षातील त्रयोदशी तिथीला म्हणजेच 8 जून रोजी प्रदोष व्रत पाळले जाईल. हा दिवस रविवार असल्याने, तो रवि प्रदोष व्रत म्हणून साजरा केला जाईल.

मंगळवार, 10 जून वट पौर्णिमा

मंगळवार, 10 जून रोजी वट सावित्री पौर्णिमेचा उपवास पाळला जाईल. पतीच्या दीर्घायुष्यासाठी वट पौर्णिमेचे व्रत केले जाते. दक्षिण भारतीय राज्ये, महाराष्ट्र आणि गुजरातमध्ये प्रामुख्याने वट पौर्णिमेचे व्रत पाळले जाते.

बुधवार, 11 ज्येष्ठ पौर्णिमा, संत कबीर जयंती

11 जून रोजी ज्येष्ठ पौर्णिमेचे व्रत पाळले जाईल. ज्येष्ठा पौर्णिमा तिथी 10 जून रोजी सकाळी 11.35 ते 11 जून रोजी दुपारी 1.13 वाजेपर्यंत असेल. या दिवशी संत कबीर यांची जयंती देखील आहे.

शुक्रवार, 14 जून संकष्टी चतुर्थी

सनातन धर्मात चतुर्थी तिथीचे विशेष महत्त्व आहे. जून महिन्यात येणाऱ्या संकष्टी चतुर्थीला कृष्ण पिंगल संकष्टी चतुर्थी म्हटले जाते.

शनिवार, 15 जून मिथुन संक्रांती

सूर्य देव ज्या दिवशी आपली राशी बदलतो त्या दिवशी हा सण साजरा केला जातो. या दिवशी सूर्य देव वृषभ राशी सोडून मिथुन राशीत प्रवेश करतील.

शनिवार, 21 जून योगिनी एकादशी

शनिवार, 21 जून रोजी योगिनी एकादशीचे व्रत केले जाईल. व्रत करणाऱ्यांचे सर्व पाप नष्ट होतात आणि त्यांना ८८ हजार ब्राह्मणांना जेवण देण्याइतके फळ मिळते. यासोबतच ते तिन्ही लोकांमध्ये साजरे केले जाते.

Nirjala Ekadashi: निर्जला एकादशीच्या दिवशी घरात आणा या वस्तू, देवी लक्ष्मी करेल धनाचा वर्षाव

सोमवार, 23 जून सोम प्रदोष व्रत

मासिक शिवरात्री आणि सोम प्रदोष व्रत 23 जून रोजी पाळले जाईल. जर त्रयोदशी तिथी सोमवारी आली तर त्या दिवसाच्या प्रदोष व्रताला सोम प्रदोष व्रत म्हणतात.

शुक्रवार, 27 जून श्रीजगन्नाथ रथयात्रा

भगवान जगन्नाथाची रथयात्रा 27 जून रोजी सुरू होणार आहे. ओडिशा राज्यात ही रथयात्रा मोठ्या उत्साहात साजरी केली जाते.

जून महिन्यातील ग्रहांचे संक्रमण

शुक्रवार, 6 जून बुध मिथुन राशीत संक्रमण करेल.

शनिवार, 7 जून सिंह राशीत मंगळाचे भ्रमण

सोमवार, 9 जून गुरू मिथुन राशीत मावळेल

बुधवार, 11 जून मिथुन राशीमध्ये बुधाचा उद्य

रविवार, 15 जून मिथुन राशीत सूर्याचे संक्रमण

रविवार, 22 जून बुध कर्क राशीत संक्रमण

रविवार, 29 जून शुक्र वृषभ राशीत संक्रमण

जूनमध्ये ग्रह नक्षत्र बदल

सूर्य नक्षत्र परिवर्तन – रविवार 8 जून रोजी मृगशिरामध्ये आणि 22 जून रोजी आर्द्रा नक्षत्रात संक्रमण

बुध नक्षत्र बदल – सोमवार 9 जूनला अर्द्रामध्ये, 16 जूनला पुनर्वसू आणि 25 जूनला पुष्य नक्षत्रात संक्रमण

शुक्र नक्षत्र बदल – 13 जून रोजी भरणीमध्ये संक्रमण आणि 26 जून रोजी कृतिका नक्षत्र

मंगळ नक्षत्र परिवर्तन – 7 जून रोजी माघातील गोचर आणि 30 जून रोजी पूर्वाफाल्गुनी नक्षत्र

गुरु नक्षत्र बदल- 14 जूनला अर्द्रात संक्रमण आणि 30 जूनला पूर्वाफाल्गुनी नक्षत्र

(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)