मंगळवार, 20 ऑक्टोबर 2026
Vastu Tips For Roti: रात्री चपातीचा डबा रिकामा ठेवता?(फोटो सौजन्य- सोशलमीडिया)
बऱ्याच घरांमध्ये एक सवय असते. रात्री जेवण झालं की पोळ्यांचा डबा म्हणजे टोपल तसेच रिकामे ठेवले जाते. परंतू त्यामध्ये एखादी शिळी पोळी असेल तर तशीच रात्रभर ठेवली जाते. सकाळी बघू म्हणून सोडून देतात. पण तुम्हाला माहिती आहे की, रात्री चपाती किंवा भाकरीचे टोपलं पूर्णपणे रिकामा ठेवणं हे वास्तुशास्त्रानुसार चांगलं नसते. Vastu Tips For Roti:
वास्तुशास्त्रात असं सांगितलं आहे की कोणतंही अन्नाचं भांडं कधीच पूर्णपणे रिकामं ठेवू नये. रिकामं भांडं हे घरात कमतरता आहे असं दाखवतं. म्हणजे घरात अन्न नाही, पैसा नाही अशी भावना तयार होते. त्यामुळे रात्री जेवण झाल्यावर जरी चपात्या किंवा भाकरी संपल्या असल्या तरी डबा तसाच उघडा आणि रिकामा टाकू नका.
त्यात निदान एक तरी चपाती किंवा भाकरी ठेवा किंवा तो डबा स्वच्छ धुवून कोरडा करून बंद करून ठेवा. पण घाणेरडा आणि उघडा कधीच ठेवू नका.असं पण म्हणतात की रिकामी भांडी घरात गरिबी आणतात. जिथे अन्न भरलेलं असतं तिथे नेहमी लक्ष्मीचा वास असतो. म्हणूनच पूर्वीच्या बायका धान्याचे डबे कधीच रिकामे होऊ देत नव्हत्या.मग रात्री काय करावं?
१. जर तुम्हाला शिळी चपाती किंवा भाकरी ठेवायची नसेल तर डबा तसाच ठेवू नका. तो पूर्णपणे घासून घ्या. पाण्याने स्वच्छ धुवा, कोरडा करा आणि झाकण लावून बंद करून ठेवा. अस्वच्छ डबा रात्रभर तसाच ठेवणं हे सगळ्यात वाईट
२. काही लोक एक छोटा उपाय करतात. जर डबा स्वच्छ आणि कोरडा असेल तर त्यात मूठभर तांदळाचे दाणे किंवा पावाचा एक छोटा तुकडा टाकून झाकण बंद करतात. याचा अर्थ असा की भांडं कधीच रिकामं नाहीये. ही एक जुनी पद्धत आहे बरकत टिकवण्यासाठी. तुम्ही पण असं करू शकता.
३. अन्नाचं भांडं कुठे ठेवावं याला पण महत्त्व आहे. शिजवलेलं अन्न किंवा चपाती किंवा भाकरीचा डबा नेहमी स्वयंपाकघराच्या आग्नेय कोपऱ्यात म्हणजे जिथे गॅस असतो तिथे किंवा पूर्व दिशेला ठेवणं चांगलं असतं.
Money Vastu Tips: पगार भरघोस, पण सेव्हिंग शून्य? घरातील ‘या’ 5 गोष्टी ठरू शकतात कारणीभूत
४. आणखी एक गोष्ट, रात्री उरलेलं अन्न फेकून देऊ नका. जर पोळी उरली असेल तर सकाळी त्याचा चुरा करून पक्षांना द्या किंवा गाईला द्या. अन्न फेकणं हे पाप मानलं जातं.खरं तर या सगळ्या गोष्टी वास्तूपेक्षा जास्त स्वच्छतेच्या आणि समजुतीच्या आहेत. स्वयंपाकघर स्वच्छ असेल, अन्नाचा आदर केला तर घरात आपोआपच सकारात्मक वाटतं.
रात्री झोपण्याआधी पाच मिनिटं काढून ओटा आवरला, डबे स्वच्छ ठेवले की सकाळी उठल्यावर पण छान वाटतं.म्हणून आजपासूनच ही सवय लावून घ्या. रात्री पोळीचा डबा कधीच घाणेरडा आणि रिकामा उघडा ठेवू नका. एकतर त्यात थोडी पोळी ठेवा किंवा स्वच्छ धुवून बंद करून ठेवा. छोटीशी सवय आहे पण घरात सुख आणि समृद्धी टिकवून ठेवायला मदत करते.
Bangle Buying Tradition: बांगड्या खरेदीची घाई नको! ‘या’ दिवशी चुकूनही घेऊ नका, जाणून घ्या कारण
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
